جىل باسىنان بەرى تۇركىستان وبلىسىنا كوپتەگەن شەتەلدىك ينۆەستورلار كەلىپ، ءتۇرلى كەلسىم-شارتتارعا قول قويۋ ءبىزدىڭ سوزىمىزگە ايقىن مىسال بولادى. سولاردىڭ ءبىرى رەسەيدەن كەلىپ، تۇركىستان وبلىسى شارۋالارىمەن تىعىز قارىم-قاتىناستا جۇمىس ىستەۋگە ىقىلاس تانىتقان «فۋدسيب» كومپانياسىنىڭ ارەكەتىن ايتۋعا بولادى. بۇگىندە اتالعان كومپانيا كوتەرمە جانە بولشەك ساۋدا ىسىمەن اينالىسادى. ولار تۇركىستان وبلىسىنداعى اۋىل شارۋاشىلىق تاۋار وندىرۋشىلەرىنىڭ ونىمدەرىن رەسەيگە ەكسپورتتاۋ ارقىلى ەكى ەل اراسىنداعى ساۋدا-ەكونوميكالىق قاتىناستاردى دامىتۋ مۇددەلىك تانىتقان بولاتىن. قازىرگى تاڭدا ەكى جاقتى كەلسىم اياسىندا تۇركىستاندىق شارۋالار كورشە ەلگە وندىرگەن ونىمدەرىن ەركىن ەكسپورتتاپ، ەڭبەگىنىڭ زەينەتىن كورىپ وتىر.
جالپى اۋماعى 80 مىڭ شارشى مەتردى قۇرايتىن «فۋدسيب» كوتەرمە جانە بولشەك ساۋدا كەشەنى رەسەيدىڭ ءنوۆوسىبىر قالاسىندا ورنالاسقان. ساۋدا كەشەنىنە تمد ەلدەرى مەن رەسەيدىڭ وزگە دە ايماقتارىنان ازىق-تۇلىك تاۋارلارى تاسىمالدانادى. اتالعان ساۋدا ورنىندا سالقىنداتقىش قويمالار مەن دەمالىس كەشەندەرى، رەستوراندار مەن 200 اۋىر جۇك كولىگىنە ارنالعان ارنايى تۇراق جۇمىس ىستەيدى. جىلىنا مۇندا 120 مىڭ تونناعا جۋىق كوكونىس پەن جەمىس-جيدەك ساۋدالانادى.
ايتا كەتەيىك، وتكەن جىلى «وڭتۇستىك» ايماقتىق ينۆەستيسيالىق ورتالىعى مەن «فۋدسيب» ساۋدا كەشەنى اراسىندا ەكىجاقتى ىنتىماقتاستىق تۋرالى مەموراندۋمعا قول قويىلىپ، «RIC ON EXPORT» باعدارلاماسى ىسكە اسىردى. جوبانىڭ باستى ماقساتى – اۋىلشارۋاشىلىق ونىمدەرىن وندىرۋشىلەرىنىڭ ەكسپورتتىق الەۋەتىن دامىتۋ بولىپ تابىلادى. اتالعان كەلىسىم اياسىندا ءنوۆوسىبىر قالاسىنا وڭتۇستىكتە وندىرىلگەن اۋىل شارۋاشىلىعى ونىمدەرى جونەلتىلۋدە.
ەكىجاقتى كەلىسىمگە ساي بۇگىندە «وڭتۇستىك» ايو «RIC ON EXPORT» اۋىلشارۋاشىلىق وندىرۋشىلەرىنىڭ ەكسپورتتىق الەۋەتىن دامىتۋ باعدارلاماسىنىڭ شەڭبەرىندە ورتالىقپەن قارجىلاندىرىلعان اۋىل شارۋاشىلىق تاۋار وندىرۋشىلەرىنىڭ قاتىسۋىمەن «RIC ON KORME» اتتى تۇراقتى كورمە-جارمەڭكە ۇيىمداستىرىپ كەلەدى.
تۇركىستان وبلىسى اكىمىنىڭ باسپا ءسوز قىزمەتى
