Túrkistan oblysynda týrizm jáne mádeniet salalaryna investitsiia tartý jumystary jan-jaqty júrgizilip keledi. Búgin Túrkistan oblysy ákiminiń birinshi orynbasary Zulpyhar Joldasov Túrkiia memleketiniń «Albayrak Media Group» kompaniiasynyń mańyzdy tulǵasy jáne «Yeni Şafak» gazetiniń halyqaralyq bóliminiń direktory Ómer Kablanmen kezdesti,- dep habarlaidy Dalanews.kz
Taraptar Túrkistan óńirin álemdik deńgeide tanytý maqsatynda birlesken jobalardy júzege asyrý jaiyn keńinen talqylady.
Oblys ákiminiń birinshi orynbasary Túrkistanda týrizm qarqyndy damyp kele jatqanyn tilge tiek etip, bul baǵyttaǵy jańa bastamalarǵa qoldaý bildiretinin jetkizdi.
"Ortaq tarihi qundylyqtarymyz bizdi odan ári jaqyndastyrady. Sizdiń media salasyndaǵy mol tájiribelerińiz jáne yqpalyńyz biz úshin óte mańyzdy. Túrkistan oblysy – elimizdiń tarihynda airyqsha orny bar, mádeniet pen dástúrdi saqtap, damý men jańǵyrý jolynda úlken qadamdar jasap kele jatqan aimaq. Búginde biregei tarihi jáne mádeni eskertkishtermen, kórkem tabiǵi landshafttarmen jáne saýyqtyrý keshenderimen týristerdiń qyzyǵýshylyǵyn arttyrýda. Biz oblysymyzdy álemdik deńgeide tanytý maqsatynda halyqaralyq seriktestermen áriptestik ornatyp, jańa bastamalardy júzege asyrýǵa daiynbyz. Búgingi kezdesýimiz ekijaqty yntymaqtastyq úshin jańa múmkindikter ashyp, ortaq jobalardy júzege asyrýǵa serpin beredi dep úmittenemin. Sizdermen ári qarai seriktestik ornatýǵa jáne ortaq maqsattarǵa jetý úshin birlesip jumys isteýge daiynbyz", – dedi Zulpyhar Joldasov.
Ómer Kablan Túrkistan jaily jobasyn tanystyryp, media salasynda tájiribe almasýǵa daiyn ekenin jetkizdi.
"Eki elge bir-birimizdiń mádenietimizdi keńinen tanystyrýǵa daiynbyz. Sonymen qatar Túrkistandy álemge tanytý baǵytynda úlken jobalar bar. Alǵashqy bastama retinde Túrkistannyń mádenieti men dástúri, halqynyń kúndelikti turmys-tirshiligi, qyzyqty derekter men týristik nysandar týraly zaman talabyna sai film túsirýdi kózdep otyrmyz. Filmderge birneshe tilde dýbliaj jasaýǵa múmkindigimiz bar. Túrkistandy álemge tanytý úshin úzdik media platformalarymyzdy paidalanamyz. Odan bólek, oqytý jáne tájiribe almasý seminarlaryn uiymdastyrýdy josparlap otyrmyz", – dedi media kompaniia ókili.
Oblys ákiminiń orynbasary Ertai Altaev basty maqsat – ultaralyq yntymaqtastyqty nyǵaitý ekenin atap ótip, túrki dúniesi týraly álemdik platformalarǵa shyǵarý baǵytynda birge jumys isteýge daiyn ekenin aitty.
Kezdesý barysynda Túrkistan oblysy ákimdigi men Túrkiianyń «Albayrak Media Group» kompaniiasy arasyndaǵy áriptestikti nyǵaitý týraly memorandýmǵa qol qoiyldy. Bul qujat eki el arasyndaǵy ekonomikalyq-mádeni bailanystarǵa jańa serpin beredi dep kútilýde.
«Albayrak Media Group» – Túrkiiadaǵy eń yqpaldy media holdingterdiń biri jáne eldiń aqparattyq keńistiginde mańyzdy ról atqaratyn kompaniia.
Aita keteiik, osyǵan deiin Túrkistan oblysynyń delegatsiiasy Túrkiianyń Ystanbul qalasyna issaparmen baryp, TURSAB týristik uiymyna múshe kompaniialarmen kezdesken bolatyn.
