Óńirde eldi mekenderdi kógaldandyrý, balyq sharýashylyǵyn damytý jáne qatty turmystyq qaldyqtarǵa arnalǵan poligondardy zańdastyrý men qaita óńdeý salalarynda atqarylyp jatqan jumystarmen tanysý basa nazarǵa alynǵan.
Jiynda eldi mekenge kireberis aýmaqtarǵa jáne jol boiyna egilgen kóshetterdi barynsha kútip ustaý, qorshaý, sýǵarý júiesin uiymdastyrý jumystary talqylanyp, balyq sharýashylyǵyn damytýǵa memlekettik qoldaýlar kórsetiletini aityldy.
Jumysshy top quramy aýdandardaǵy salalarǵa qatysty tiisti jumystardyń atqarylý barysyna jan-jaqty zerdeleý jumystaryn júrgizip, Túrkistan oblysy Tabiǵi resýrstar jáne tabiǵat paidalanýda retteý basqarmasynyń basshysy baiandama jasady.
– Oblysta jalpy aýmaǵy 798 939 gektardy quraityn 852 eldi meken bar. Óńir eldi mekenderiniń 90 paiyzyn kógaldandyrý úshin 3 jylda 3 millionnan asa kóshet óndirý qajet bolatyn.
Biyl usynysqa sáikes, 626 907 túp kóshet egiledi dep kózdelip otyr. Budan bólek, orman sharýashylyǵy mekemeleriniń 2024 jylǵa 443,1 myń túp, 2025 jyly 492,6 myń túp kóshet bosatý múmkindigi bar. Al aýdan, qala ákimdikteri eldi mekenderdi kógaldandyrý boiynsha qosymsha jobalar ázirlep, kóshetke usynys bergen jaǵdaida orman sharýashylyǵy mekemeleri tarapynan suranysty tolyǵymen qanaǵattandyrýǵa ázir, – dedi Q. Abdýaliev.
Jiyn sońynda aýdan ákimderi men orynbasarlary Qazyǵurt, Saryaǵash, Keles, Shardara, Jetisai, Maqtaaral aýdandarynda atalǵan salalar boiynsha atqarylyp jatqan jumystarǵa toqtalyp, aldaǵy josparlarymen tanystyrdy.
