وڭىردە ەلدى مەكەندەردى كوگالداندىرۋ، بالىق شارۋاشىلىعىن دامىتۋ جانە قاتتى تۇرمىستىق قالدىقتارعا ارنالعان پوليگونداردى زاڭداستىرۋ مەن قايتا وڭدەۋ سالالارىندا اتقارىلىپ جاتقان جۇمىستارمەن تانىسۋ باسا نازارعا الىنعان.
جيىندا ەلدى مەكەنگە كىرەبەرىس اۋماقتارعا جانە جول بويىنا ەگىلگەن كوشەتتەردى بارىنشا كۇتىپ ۇستاۋ، قورشاۋ، سۋعارۋ جۇيەسىن ۇيىمداستىرۋ جۇمىستارى تالقىلانىپ، بالىق شارۋاشىلىعىن دامىتۋعا مەملەكەتتىك قولداۋلار كورسەتىلەتىنى ايتىلدى.
جۇمىسشى توپ قۇرامى اۋداندارداعى سالالارعا قاتىستى ءتيىستى جۇمىستاردىڭ اتقارىلۋ بارىسىنا جان-جاقتى زەردەلەۋ جۇمىستارىن جۇرگىزىپ، تۇركىستان وبلىسى تابيعي رەسۋرستار جانە تابيعات پايدالانۋدا رەتتەۋ باسقارماسىنىڭ باسشىسى بايانداما جاسادى.
– وبلىستا جالپى اۋماعى 798 939 گەكتاردى قۇرايتىن 852 ەلدى مەكەن بار. ءوڭىر ەلدى مەكەندەرىنىڭ 90 پايىزىن كوگالداندىرۋ ءۇشىن 3 جىلدا 3 ميلليوننان اسا كوشەت ءوندىرۋ قاجەت بولاتىن.
اۋدان، قالا اكىمدىكتەرىنە ورمان شارۋاشىلىعى مەكەمەلەرىنەن 2022 جىلدىڭ كۇز ايلارىندا 345 204 ءتۇپ ءار ءتۇرلى كوشەت بوستالدى. ونىڭ 251 685 داناسى ءتيىستى اۋماقتارعا ەگىلدى.
بيىل ۇسىنىسقا سايكەس، 626 907 ءتۇپ كوشەت ەگىلەدى دەپ كوزدەلىپ وتىر. بۇدان بولەك، ورمان شارۋاشىلىعى مەكەمەلەرىنىڭ 2024 جىلعا 443،1 مىڭ ءتۇپ، 2025 جىلى 492،6 مىڭ ءتۇپ كوشەت بوساتۋ مۇمكىندىگى بار. ال اۋدان، قالا اكىمدىكتەرى ەلدى مەكەندەردى كوگالداندىرۋ بويىنشا قوسىمشا جوبالار ازىرلەپ، كوشەتكە ۇسىنىس بەرگەن جاعدايدا ورمان شارۋاشىلىعى مەكەمەلەرى تاراپىنان سۇرانىستى تولىعىمەن قاناعاتتاندىرۋعا ءازىر، – دەدى ق. ابدۋالييەۆ.
جيىن سوڭىندا اۋدان اكىمدەرى مەن ورىنباسارلارى قازىعۇرت، سارىاعاش، كەلەس، شاردارا، جەتىساي، ماقتاارال اۋداندارىندا اتالعان سالالار بويىنشا اتقارىلىپ جاتقان جۇمىستارعا توقتالىپ، الداعى جوسپارلارىمەن تانىستىردى.
