Túrkistan oblysy, Kentaý qalasynda kógildir otynǵa alǵashqy bolyp Baiyldyr aýyly qosyldy, dep habarlaidy Dalanews.kz
Oblys ákiminiń birinshi orynbasary Zulpyhar Joldasov aýyl turǵyndarynyń qýanyshyna ortaqtasyp, quttyqtaýyn jetkizdi.
– Biyl oblysymyz úshin de, onyń ishinde Kentaý qalasy úshin de jemisti jyl boldy deýge bolady. Qazirgi tańda Kentaý qalasy tolyqtai kógildir otynmen qamtylýda. Baiyldyr qalada alǵashqy aýyl retinde gazǵa qosyldy. Bul baǵyttaǵy jumystar áli de jalǵasyn tabady, – dedi Z. Sansyzbaiuly.
Qanshama ýaqyttan beri pesh qoldanyp, ot jaǵyp, jylyna kemi 7-8 tonna kómir jaǵatyn aýyl turǵyndary kógildir otynnyń kelgenine dán riza. Solardyń biri – ardager ustaz Ońlasyn Rysqulova.
«Baiyldyr aýylyna kelin bolyp túskenime 45 jyldan asty. Úiimizge kógildir otyn kelip, balalarym úshin qýanyp otyrmyn. Osyndai igi isti qolǵa alǵan oblys jáne qala basshylyqtaryna alǵysym sheksiz»,- deidi ol.
Aita keteiik, Kentaý qalasynda 18000 abonenttiń 15319 abonenti (85%) tabiǵi gaz júiesine qosylǵan. Búgingi tańda, Kentaý qalasyna qarasty Baiyldyr aýylynda 12 shaqyrymdy quraityn gaz qubyry júrgizildi. Baiyldyr aýylynda 1620 halyq jáne 360 jeke turǵyn úi bar.
