تۇركىستان وبلىسى، كەنتاۋ قالاسىندا كوگىلدىر وتىنعا العاشقى بولىپ بايىلدىر اۋىلى قوسىلدى، دەپ حابارلايدى Dalanews.kz
وبلىس اكىمىنىڭ ءبىرىنشى ورىنباسارى زۇلپىحار جولداسوۆ اۋىل تۇرعىندارىنىڭ قۋانىشىنا ورتاقتاسىپ، قۇتتىقتاۋىن جەتكىزدى.
– بيىل وبلىسىمىز ءۇشىن دە، ونىڭ ىشىندە كەنتاۋ قالاسى ءۇشىن دە جەمىستى جىل بولدى دەۋگە بولادى. قازىرگى تاڭدا كەنتاۋ قالاسى تولىقتاي كوگىلدىر وتىنمەن قامتىلۋدا. بايىلدىر قالادا العاشقى اۋىل رەتىندە گازعا قوسىلدى. بۇل باعىتتاعى جۇمىستار ءالى دە جالعاسىن تابادى، – دەدى ز. سانسىزباي ۇلى.
قانشاما ۋاقىتتان بەرى پەش قولدانىپ، وت جاعىپ، جىلىنا كەمى 7-8 توننا كومىر جاعاتىن اۋىل تۇرعىندارى كوگىلدىر وتىننىڭ كەلگەنىنە ءدان ريزا. سولاردىڭ ءبىرى – ارداگەر ۇستاز وڭلاسىن رىسقۇلوۆا.
«بايىلدىر اۋىلىنا كەلىن بولىپ تۇسكەنىمە 45 جىلدان استى. ۇيىمىزگە كوگىلدىر وتىن كەلىپ، بالالارىم ءۇشىن قۋانىپ وتىرمىن. وسىنداي يگى ءىستى قولعا العان وبلىس جانە قالا باسشىلىقتارىنا العىسىم شەكسىز»،- دەيدى ول.
ايتا كەتەيىك، كەنتاۋ قالاسىندا 18000 ابونەنتتىڭ 15319 ابونەنتى (85%) تابيعي گاز جۇيەسىنە قوسىلعان. بۇگىنگى تاڭدا، كەنتاۋ قالاسىنا قاراستى بايىلدىر اۋىلىندا 12 شاقىرىمدى قۇرايتىن گاز قۇبىرى جۇرگىزىلدى. بايىلدىر اۋىلىندا 1620 حالىق جانە 360 جەكە تۇرعىن ءۇي بار.
