Venesýelada bolǵan joiqyn jer silkinisinen qaza tapqandar sany 1450 adamǵa jetti. Sonymen qatar, shamamen 3150 adam túrli deńgeide jaraqat alǵan, dep habarlaidy dalanews.kz.
Tabiǵi apat saldarynan 12 721 turǵyn baspanasyn tastap, qaýipsiz aimaqtarǵa kóshirildi. Budan bólek, 68 myńǵa jýyq adam iz-túzsiz joǵalǵandar qatarynda. Qazir olardy izdestirý jumystary jalǵasyp jatyr. Zilzaladan 774 ǵimarat zaqymdanyp, júzdegen nysan tolyqtai qiraǵan.
Sársenbi kúni el aýmaǵynda magnitýdasy 7,2 jáne 7,5 bolatyn eki kúshti jer silkinisi tirkeldi. Eń aýyr zardap Venesýelanyń soltústigindegi jaǵalaýda ornalasqan La-Gýaira shtatynda baiqalǵan.
Qutqarý jumystaryna halyqaralyq qaýymdastyq ta qoldaý kórsetip jatyr. Venesýela prezidentiniń mindetin atqarýshy Delsi Rodrigestiń aitýynsha, osy ýaqytqa deiin 24 memleket kómek jibergen. Olar jalpy kólemi 521 tonna gýmanitarlyq júk jetkizip, 86 kinologiialyq top pen izdestirý-qutqarý jáne gýmanitarlyq jumystarǵa 2 myńnan astam maman jumyldyrǵan.
