Serbiia prezidenti Aleksandr Výchich aldaǵy aptalarda qyzmetinen ketetinin málimdedi. Bul týraly ol 27 maýsymda óz jaqtastary qatysqan mitingte aitty, dep habarlaidy dalanews.kz.
Reuters agenttiginiń málimetinshe, Výchich otstavkaǵa ketkennen keiin Serbiiada merziminen buryn prezidenttik jáne parlamenttik sailaý ótýi tiis. Aldyn ala boljam boiynsha, sailaý osy kúzde uiymdastyrylýy múmkin.
Aleksandr Výchich Serbiia biliginde 12 jyldan beri otyr. Onyń prezident retindegi ekinshi merzimi 2027 jyldyń ortasynda aiaqtalýy kerek edi. El konstitýtsiiasyna sáikes, bir adam qatarynan eki merzimnen artyq prezident bola almaidy.
Výchich buǵan deiin bilikte qalý úshin Konstitýtsiiany ózgertpeitinin aitqan. Degenmen ol saiasattan ketpeitinin ańǵartyp, aldaǵy parlamenttik sailaýǵa qatysýy múmkin ekenin jetkizdi.
Serbiia basshysynyń sózinshe, eger partiiasy qoldaý bildirse, ol premer-ministr laýazymyna úmitker bolýdy josparlap otyr. Aita keteiik, Výchich 2014-2017 jyldary Serbiia úkimetin basqarǵan.
