«QazAvtoJol» UQ» AQ Túrkistan oblystyq filialy men Túrkistan oblysy jolaýshylar kóligi jáne avtomobil joldary basqarmasynyń habarlaýynsha, jolaýshylardyń qaýipsiz qozǵalysyn qamtamasyz etý maqsatynda qardan tazalaý jáne inertti materialdardy sebý jumystary jalǵasyp jatyr.
Oǵan arnaiy tehnikalar tartylǵan. Atap aitsaq, 33 jol tazalaityn kólik, 7 avtogreider, 18 traktor jumyldyrylǵan.
«Qurmetti kólik júrgizýshileri! Múmkindiginshe alys saparǵa shyqpaýlaryńyzdy ótinemiz. Asa qajet bolǵan jaǵdaida jol qaýipsizdigi erejelerin qatań saqtaýlaryńyzdy jáne avtokólikpen tek qysqy shinamen shyǵýlaryńyzdy suraimyz!» deidi mamandar.
Qar qursaýynda qalyp qoiǵan jaǵdaida táýlik boiy jumys isteitin 1403 nómirine habarlasý qajet.
