Jetisai qalasynyń 55 jyldyǵy aiasynda aýdandyq mádeniet, tilderdi damytý, dene shynyqtyrý jáne sport bólimi men Jetisai qalasy ákimdiginiń uiymdastyrýymen ótken «Jetisai Marathon – 2024» marafonyna myńǵa jýyq turǵyn qatysty, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
«Jeńis» alańynan bastaý alǵan marafon qatysýshylary M.Áýezov, Q.A.Iassaýi, Amangeldi, Qojanov kóshelerin júgirip ótip, márege qaita oraldy.
Jas ereksheligine qarai 18-30, 31-45, 45 jáne odan da joǵary jastaǵy aýdan jáne qala turǵyndary qatysqan marafonda aýdan ákimi Serik Mamytov sóz sóilep, kópshilikti qalanyń 55 jyldyǵymen quttyqtady. Qatysýshylarǵa sáttilik tilep, alǵysyn bildirdi.
Marafon sońynda 3,5 shaqyrym qashyqtyqty baǵyndyryp, birinshi bolyp máre syzyǵyn kesken jeńimpazdar men belsendi qatysqandar uiymdastyrýshylardyń arnaiy diplomdary men medaldaryna, baǵaly syilyqtaryna ie boldy.
