جەتىساي قالاسىنىڭ 55 جىلدىعى اياسىندا اۋداندىق مادەنيەت، تىلدەردى دامىتۋ، دەنە شىنىقتىرۋ جانە سپورت ءبولىمى مەن جەتىساي قالاسى اكىمدىگىنىڭ ۇيىمداستىرۋىمەن وتكەن «Jetisai Marathon – 2024» مارافونىنا مىڭعا جۋىق تۇرعىن قاتىستى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
«جەڭىس» الاڭىنان باستاۋ العان مارافون قاتىسۋشىلارى م.اۋەزوۆ، ق.ا.ياسساۋي، امانگەلدى، قوجانوۆ كوشەلەرىن جۇگىرىپ ءوتىپ، مارەگە قايتا ورالدى.
جاس ەرەكشەلىگىنە قاراي 18-30، 31-45، 45 جانە ودان دا جوعارى جاستاعى اۋدان جانە قالا تۇرعىندارى قاتىسقان مارافوندا اۋدان اكىمى سەرىك مامىتوۆ ءسوز سويلەپ، كوپشىلىكتى قالانىڭ 55 جىلدىعىمەن قۇتتىقتادى. قاتىسۋشىلارعا ساتتىلىك تىلەپ، العىسىن ءبىلدىردى.
مارافون سوڭىندا 3،5 شاقىرىم قاشىقتىقتى باعىندىرىپ، ءبىرىنشى بولىپ مارە سىزىعىن كەسكەن جەڭىمپازدار مەن بەلسەندى قاتىسقاندار ۇيىمداستىرۋشىلاردىڭ ارنايى ديپلومدارى مەن مەدالدارىنا، باعالى سىيلىقتارىنا يە بولدى.
