«Qazaqstan halqy Assambleıasy» ǵımaratynda ótken jıynǵa máslıhat depýttary, oblysymyzdaǵy birqatar basqarmalardyń basshylary, quqyq qorǵaý organdarynyń ókilderi, oblystyq etnomádenı birlestikter men dinı konfesıalardyń jetekshileri jáne BAQ ókilderi qatysty.
Keńes otyrysynda oblystyq Assambleıa janyndaǵy qurylymdardyń jańa quramy bekitilip, qolǵa alynatyn aýqymdy bastamalardy iske asyrý máseleleri talqylandy.
Túrkistan oblysy ákimi apparaty «Qoǵamdyq kelisim» KMM basshysynyń mindetin atqarýshy Zańǵarbek Úsipahmetov Assambleıanyń qyzmeti jáne aldaǵy negizgi mindetteri týraly baıandama jasady.
Kún tártibindegi negizgi másele Túrkistan oblystyq assambleıa janyndaǵy qoǵamdyq qurylymdardyń jetekshilerin taǵaıyndaý bolatyn.Osy oraıda:
Oblystyq assambleıa tóraǵasynyń qoǵamdyq negizdegi orynbasarlyǵyna oblystyq ózbek etnomádenı birlestiginiń tóraǵasy Batdrıdın Nıshankýlov men ıran etnomádenı birlestiginiń tóraǵasy Nurysbek Kapar-Pýr ;
Qoǵamdyq kelisim keńesiniń tóraǵalyǵyna memleket jáne qoǵam qaıratkeri Serik Pralıev;
Analar keńesiniń tóraıymyna Dúısenkúl Jambolova;
Ǵylymı-sarapshylyq toptyń jetekshiligineoblys ákiminiń keńesshisi, tarıh ǵylymdarynyń doktory, profesor Sattar Májıtov;
Jýrnalıser men blogerler klýbynyń jetekshiligine «Janýbıı Qozoǵıston»gazetiniń dırektory – bas redaktory Alısher Satybaldıev;
«Jańǵyrý joly» respýblıkalyq jastar qozǵalysy óńirlik shtabynyń jetekshiligine Erkebulan Narbaev;
Medıasıa keńesiniń jetekshiligine «Qoǵamdyq kelisim» mekemesiniń sarapshysy Nurjan Meırmanov Baýyrjanuly taǵaıyndaldy.
Kún tártibindegi negizgi máseleler boıynsha Túrkistan oblystyq ózbek etnomádenı birlestik tóraǵasynyń orynbasary Gýlırano Rasýlova, oblystyq slaván etnomádenı birlestiginiń tóraıymy Marına Lımarenko,oblystyq ıran etnomádenı birlestiginiń tóraǵasy Nýrysbek Kapar-Pýr baıandama jasady.
Keńes otyrysyn qorytyndylaı kele, oblys ákiminiń orynbasary Málik Otarbaev Elbasymyzdyń Qazaqstan halqy Assambleıasynyń HHVI sesıasynda bergen tapsyrmalary Túrkistan oblysynda sapaly oryndalýy qajettigin atap ótti. Sondaı-aq Elbasynyń «Uly Dalanyń jeti qyry» atty baǵdarlamalyq maqalasynyń oryndaý boıynsha etnos ókilderin qatystyra otyryp, keshendi is-sharalar josparyn jasaýǵa tapsyrma berdi.
Túrkistan oblysy ákiminiń baspasóz qyzmeti
