تۇركىستان وبلىستىق قازاقستان حالقى اسسامبلەياسى كەڭەسىنىڭ  العاشقى وتىرىسى ءوتتى.

«قازاقستان حالقى اسسامبلەياسى» عيماراتىندا وتكەن جيىنعا ءماسليحات دەپۋتتارى، وبلىسىمىزداعى ءبىرقاتار باسقارمالاردىڭ باسشىلارى، قۇقىق قورعاۋ ورگاندارىنىڭ وكىلدەرى، وبلىستىق ەتنومادەني بىرلەستىكتەر مەن ءدىني كونفەسسيالاردىڭ جەتەكشىلەرى  جانە ب ا ق وكىلدەرى قاتىستى.

كەڭەس وتىرىسىندا وبلىستىق اسسامبلەيا جانىنداعى قۇرىلىمداردىڭ جاڭا قۇرامى بەكىتىلىپ، قولعا الىناتىن اۋقىمدى باستامالاردى ىسكە اسىرۋ ماسەلەلەرى  تالقىلاندى.

تۇركىستان وبلىسى اكىمى اپپاراتى «قوعامدىق كەلىسىم» كمم باسشىسىنىڭ مىندەتىن اتقارۋشى زاڭعاربەك ۇسىپاحمەتوۆ اسسامبلەيانىڭ قىزمەتى جانە الداعى نەگىزگى مىندەتتەرى تۋرالى بايانداما جاسادى.

كۇن تارتىبىندەگى نەگىزگى ماسەلە  تۇركىستان وبلىستىق اسسامبلەيا جانىنداعى قوعامدىق قۇرىلىمداردىڭ جەتەكشىلەرىن تاعايىنداۋ بولاتىن.وسى ورايدا:

وبلىستىق اسسامبلەيا ءتوراعاسىنىڭ قوعامدىق نەگىزدەگى ورىنباسارلىعىنا وبلىستىق وزبەك ەتنومادەني بىرلەستىگىنىڭ ءتوراعاسى باتدريدين نيشانكۋلوۆ مەن يران ەتنومادەني بىرلەستىگىنىڭ ءتوراعاسى نۇرىسبەك كاپار-پۋر ؛

قوعامدىق كەلىسىم كەڭەسىنىڭ ءتوراعالىعىنا مەملەكەت جانە قوعام قايراتكەرى سەرىك پرالييەۆ؛

انالار كەڭەسىنىڭ ءتورايىمىنا دۇيسەنكۇل جامبولوۆا؛

عىلىمي-ساراپشىلىق توپتىڭ جەتەكشىلىگىنەوبلىس اكىمىنىڭ كەڭەسشىسى، تاريح عىلىمدارىنىڭ دوكتورى، پروفەسسور  ساتتار ءماجيتوۆ؛

جۋرناليستەر مەن بلوگەرلەر كلۋبىنىڭ جەتەكشىلىگىنە «جانۋبيي قوزوعيستون»گازەتىنىڭ ديرەكتورى – باس رەداكتورى اليشەر ساتىبالدييەۆ؛

«جاڭعىرۋ جولى» رەسپۋبليكالىق جاستار قوزعالىسى وڭىرلىك شتابىنىڭ جەتەكشىلىگىنە ەركەبۇلان ناربايەۆ؛

مەدياسيا كەڭەسىنىڭ جەتەكشىلىگىنە «قوعامدىق كەلىسىم» مەكەمەسىنىڭ ساراپشىسى نۇرجان مەيرمانوۆ باۋىرجان ۇلى تاعايىندالدى.

كۇن تارتىبىندەگى نەگىزگى ماسەلەلەر بويىنشا تۇركىستان وبلىستىق وزبەك ەتنومادەني بىرلەستىك  ءتوراعاسىنىڭ ورىنباسارى گۋليرانو راسۋلوۆا، وبلىستىق  سلاۆيان ەتنومادەني بىرلەستىگىنىڭ  ءتورايىمى مارينا ليمارەنكو،وبلىستىق  يران ەتنومادەني بىرلەستىگىنىڭ ءتوراعاسى   نۋرىسبەك كاپار-پۋر بايانداما جاسادى.

كەڭەس وتىرىسىن قورىتىندىلاي كەلە، وبلىس اكىمىنىڭ ورىنباسارى مالىك وتاربايەۆ  ەلباسىمىزدىڭ قازاقستان حالقى اسسامبلەياسىنىڭ ححVI  سەسسياسىندا بەرگەن تاپسىرمالارى تۇركىستان وبلىسىندا ساپالى ورىندالۋى قاجەتتىگىن اتاپ ءوتتى. سونداي-اق ەلباسىنىڭ «ۇلى دالانىڭ جەتى قىرى» اتتى باعدارلامالىق ماقالاسىنىڭ ورىنداۋ بويىنشا ەتنوس وكىلدەرىن قاتىستىرا وتىرىپ، كەشەندى ءىس-شارالار جوسپارىن جاساۋعا تاپسىرما بەردى.

 

تۇركىستان وبلىسى اكىمىنىڭ باسپا ءسوز قىزمەتى