Túrkimenstan prezıdenti Gýrbangýly Berdimuhamedov uly Serdar Berdimuhamedovti óndiris jáne qurylys mınıstri etip taǵaıyndady.
Bul jóninde 8 aqpanda memlekettik BAQ habarlady.
38 jastaǵy Serdar Berdimuhamedov byltyrdan beri Ahal oblysyn basqaryp kelgen. Túrkimen lıderi ulyn kezekti ret joǵarǵy qyzmetke taǵaıyndaýyn baqylaýshylar onyń "murager" daıyndaý áreketine kóshkeni dep qabyldap jatyr.
Jańa qyzmette Serdar Berdimuhamedov Ahal aımaǵynyń jańa ortalyǵyn qurý boıynsha ambısıalyq jobany ıske asyrýmen aınalyspaq. Ótken aptada túrimen prezıdenti jańa qalany qurýǵa 1,5 mlrd dollar bólý boıynsha jarlyqqa qol qoıǵan.
Buǵan deıin Serdar Berdimuhamedov Ahal oblysynyń basshysy orynbasary jáne syrtqy ister mınıstriniń orynbasary qyzmetterin atqarǵan. Budan bólek ol - ólke parlamentiniń múshesi.
