تۇركىمەنستان پرەزيدەنتى گۋربانگۋلى بەردىمۇحامەدوۆ ۇلى سەردار بەردىمۇحامەدوۆتى ءوندىرىس جانە قۇرىلىس ءمينيسترى ەتىپ تاعايىندادى.
بۇل جونىندە 8 اقپاندا مەملەكەتتىك ب ا ق حابارلادى.
38 جاستاعى سەردار بەردىمۇحامەدوۆ بىلتىردان بەرى احال وبلىسىن باسقارىپ كەلگەن. تۇركىمەن ليدەرى ۇلىن كەزەكتى رەت جوعارعى قىزمەتكە تاعايىنداۋىن باقىلاۋشىلار ونىڭ "مۇراگەر" دايىنداۋ ارەكەتىنە كوشكەنى دەپ قابىلداپ جاتىر.
جاڭا قىزمەتتە سەردار بەردىمۇحامەدوۆ احال ايماعىنىڭ جاڭا ورتالىعىن قۇرۋ بويىنشا امبيسيالىق جوبانى يسكە اسىرۋمەن اينالىسپاق. وتكەن اپتادا تۇرىمەن پرەزيدەنتى جاڭا قالانى قۇرۋعا 1،5 ملرد دوللار ءبولۋ بويىنشا جارلىققا قول قويعان.
بۇعان دەيىن سەردار بەردىمۇحامەدوۆ احال وبلىسىنىڭ باسشىسى ورىنباسارى جانە سىرتقى ىستەر ءمينيسترىنىڭ ورىنباسارى قىزمەتتەرىن اتقارعان. بۇدان بولەك ول - ولكە پارلامەنتىنىڭ مۇشەسى.
