"Ashyǵyn aitý kerek, qazirgi vaktsinalaý jumysynyń qarqyny áli de mardymsyz, naqty qadamdar jasaý qajet. Túptep kelgende azamattarymyz óziniń jáne jaqyn týystarynyń densaýlyǵyn oilap, sanaly túrde sheshim qabyldaýy qajet. Antivakserlerdiń qaýeset, dańǵaza áńgimelerine senýdiń qajeti joq. Sondyqtan biz ekpe salý naýqanyn jalǵastyramyz. Al keibir jekelegen salalarda mindetti túrde vaktsina saldyrý qajet bolady", - dedi Toqaev úkimettiń keńeitilgen otyrysynda.
Prezidenttiń aitýynsha, keibir salalarda vaktsinany mindetti túrde saldyrý sharalarynyń zańnamalyq, tipti, konstitýtsiialyq negizi bar.
"Týrasyn aitsaq, bul – árkimniń óz otandastary aldyndaǵy mindeti, paryzy. Sondai-aq, mynandai eki máselege toqtalǵym keledi. Birinshiden, mindetti ekpe salý kezinde asyra silteý bolmaýǵa tiis. Meditsinalyq sebepterge jáne belgili bir jaǵdailarǵa bailanysty ekpe saldyrmaityn adamdar bar. Memlekettik organdar, ásirese, monitoring júrgizý toptary osy máseleni eskerýi kerek", - dep túiindedi Toqaev.
Aita keteiik, buǵan deiin ádilet ministrligi COVID-19-ǵa qarsy vaktsinany mindetteýdiń quqyqtyq negizin túsindirgen bolatyn. Vedomstvonyń aqparatynsha, infektsiialyq jáne parazittik aýrýlardyń paida bolýy men taralýynyń aldyn alý úshin Densaýlyq týraly kodekste profilaktikalyq ekpeler egý sharasy kózdelgen.
Kodekstiń 85-baby 4 jáne 8-tarmaqtaryna sáikes, meditsinalyq qarsy kórsetilimderi joq, Qazaqstan aýmaǵynda turaqty turatyn jeke tulǵalar infektsiialyq jáne parazittik aýrýlarǵa qarsy ekpelerdi alýǵa mindetti.
Olardyń qataryna koronavirýsqa qarsy profilaktikalyq ekpe de jatady. Bul úkimettiń 2020 jylǵy 24 qyrkúiektegi №612 qaýlysynda aitylǵan.
"Osylaisha, meditsinalyq qarsy kórsetilimderi joq adamdar úshin COVID-19-ǵa qarsy mindetti vaktsinalaýdyń quqyqtyq negizderi bar jáne bul "Memleket adamnyń ómir súrýi men densaýlyǵyna qolaily ainaladaǵy ortany qorǵaýdy maqsat etip qoiady" degen (Konstitýtsiianyń 31-baby) konstitýtsiialyq normaǵa sáikes keledi. Adamnyń jáne azamattyń quqyqtary men bostandyqtaryna kepildik bere otyryp, Qazaqstan Konstitýtsiiasy mundai shekteýdiń jol beriletin shekterin belgilei otyryp, olardy shekteý múmkindigin joqqa shyǵarmaidy", - delingen habarlamada.
Konstitýtsiianyń 39-baby 1-tarmaǵyna sáikes, quqyqtar men bostandyqtar halyqtyń densaýlyǵyn qorǵaý maqsatynda ǵana shektelýi múmkin.
Derekkóz: sputnik.kz
