Túngi klýbtyń birinde Ult kósemi, Alash arysy Álihan Bókeihannyń qorlanǵan sýreti tabyldy, - dep habarlaidy Dalanews.kz.
Videony facebook jelisiniń belsendi oqyrmany Tórebek Saǵyndyq jariialady.
Video avtorynyń aitýynsha, túngi klýbtyń birinde Álihan Bókeihannyń sýretin alyp, onyń qolyna shylym men ishimdik ustatyp qoiǵan.
“Aýzy jaman kórdi bylǵaidy, aiaǵy jaman tórdi bylǵaidy deidi. Qazaqtyń jastaryna “ne istei alasyń?” degen pasyq oimen istep jatqan dúnie ǵoi. “Jamandardyń kóbeiip ketýinen emes, jaqsylardyń jalqaýlyǵynan” degen sóz bar. Jigitter árkez osyndai qatelikterdi túzetýge tyrysaiyq.
Siz ben biz uiyqtap júrgennen keiin osyndai dúnieler istelip jatyr. Uiyqtaǵan halyqty bilesizder, ne jer betinen joiylyp ketedi, ne turǵanda qul bop oianady. Tipti Ult kóshbasshysyn qorlap, klýbqa ákep qoidyq. Jigitter, jaqsylyqqa birigeiik!”- dedi video avtory.
Áleýmettik jeli qoldanýshylary bul videoǵa qatysty túrli pikir jazǵan.
"Bul qai qalada, Almaty shyǵar. Qai ulttyń istegeni? Nege olai qorlapty? Bizden qorlyq kóripti ma? Sony salǵan sýretshiniń qoly synsyn! Ońbaǵan! Saldyrǵan adamdy zańmen qýdalasyn. Bizdiń batyrlardy qorlaityndai kim ózi?".
"Kim jasasa da jaýap berý kerek mynaǵan at ústi qaraýǵa bolmaidy, erteń basqasyn shyǵarady. Qai ultqa qazaqtyń tyrnaǵy batty eken, qazaq eshkim tiispese tynysh jatqan el".
"Bul provokatsiia! Qolyńnan kelse, qyryp al degen mazaq qoi! Órtep jiberińder!"
"Jaraisyń, osylai kózimiz qyraǵy, qulaqtaryn túrýli bolsyn. Osy Alashtyń Arystaryn qorlaǵan sol orynnyń qojaiynynda jaýapkershilikke tartý kerek", - deidi Jeli qoldanýshylary.
