تۇنگى كلۋبتىڭ بىرىندە ۇلت كوسەمى، الاش ارىسى ءاليحان بوكەيحاننىڭ قورلانعان سۋرەتى تابىلدى، - دەپ حابارلايدى Dalanews.kz.
ۆيدەونى facebook جەلىسىنىڭ بەلسەندى وقىرمانى تورەبەك ساعىندىق جاريالادى.
ۆيدەو اۆتورىنىڭ ايتۋىنشا، تۇنگى كلۋبتىڭ بىرىندە ءاليحان بوكەيحاننىڭ سۋرەتىن الىپ، ونىڭ قولىنا شىلىم مەن ىشىمدىك ۇستاتىپ قويعان.
“اۋزى جامان كوردى بىلعايدى، اياعى جامان ءتوردى بىلعايدى دەيدى. قازاقتىڭ جاستارىنا “نە ىستەي الاسىڭ؟” دەگەن پاسىق ويمەن ىستەپ جاتقان دۇنيە عوي. “جامانداردىڭ كوبەيىپ كەتۋىنەن ەمەس، جاقسىلاردىڭ جالقاۋلىعىنان” دەگەن ءسوز بار. جىگىتتەر اركەز وسىنداي قاتەلىكتەردى تۇزەتۋگە تىرىسايىق.
ءسىز بەن ءبىز ۇيىقتاپ جۇرگەننەن كەيىن وسىنداي دۇنيەلەر ىستەلىپ جاتىر. ۇيىقتاعان حالىقتى بىلەسىزدەر، نە جەر بەتىنەن جويىلىپ كەتەدى، نە تۇرعاندا قۇل بوپ ويانادى. ءتىپتى ۇلت كوشباسشىسىن قورلاپ، كلۋبقا اكەپ قويدىق. جىگىتتەر، جاقسىلىققا بىرىگەيىك!”- دەدى ۆيدەو اۆتورى.
الەۋمەتتىك جەلى قولدانۋشىلارى بۇل ۆيدەوعا قاتىستى ءتۇرلى پىكىر جازعان.
"بۇل قاي قالادا، الماتى شىعار. قاي ۇلتتىڭ ىستەگەنى؟ نەگە ولاي قورلاپتى؟ بىزدەن قورلىق كورىپتى ما؟ سونى سالعان سۋرەتشىنىڭ قولى سىنسىن! وڭباعان! سالدىرعان ادامدى زاڭمەن قۋدالاسىن. ءبىزدىڭ باتىرلاردى قورلايتىنداي كىم ءوزى؟".
"كىم جاساسا دا جاۋاپ بەرۋ كەرەك مىناعان ات ءۇستى قاراۋعا بولمايدى، ەرتەڭ باسقاسىن شىعارادى. قاي ۇلتقا قازاقتىڭ تىرناعى باتتى ەكەن، قازاق ەشكىم تيىسپەسە تىنىش جاتقان ەل".
"بۇل پروۆوكاسيا! قولىڭنان كەلسە، قىرىپ ال دەگەن مازاق قوي! ورتەپ جىبەرىڭدەر!"
"جارايسىڭ، وسىلاي كوزىمىز قىراعى، قۇلاقتارىن ءتۇرۋلى بولسىن. وسى الاشتىڭ ارىستارىن قورلاعان سول ورىننىڭ قوجايىنىندا جاۋاپكەرشىلىككە تارتۋ كەرەك"، - دەيدى جەلى قولدانۋشىلارى.
