Merekelik sharany «Salt dástúr – san ǵasyrlyq saf mura» atty án, jyr men ulttyq salt-dástúrler kórinisi qorytyndylady. Etnoaýylda kıeli shaharǵa kelgen týrıserge túlkibastyq ónerpazdar besikke salý, quda túsý, qyz uzatý, betashar, tusaý kesý syndy ádet-ǵurpymyzdy tanystyrdy.
Sharanyń alǵashqy kúni «Visit Turkistan» ortalyǵy alańynda aýdan ónerpazdarynyń qatysýymen gala-konsert ótken bolatyn.
Munda Túlkibas aýdanynyń maqtanyshtary – Sáken Qalymov, Indıra Rasylhan, Mamadıar Taýkeev bastaǵan elimizge tanymal juldyzdar óner kórsetip, qala turǵyndary men qonaqtaryn án men jyrǵa bóledi.
Merekelik keshke aýdan ákiminiń orynbasary Erbol Ormanov, Túrkistan oblysy máslıhatynyń depýtaty Nuraıym Shahımergen jáne oblystyq mádenıet jáne týrızm basqarmasynyń bólim basshysy Muqaǵalı Kenjetaıuly qatysqan bolatyn.
Al óner dodasynyń ekinshi kúninde etnoaýylda foto, qylqalam, qolóner sheberleri, «Aqsý-Jabaǵyly» memlekettik tabıǵı qoryǵynyń jáne «Saıram-Ógem» memlekettik ulttyq parkiniń etnografıalyq koleksıalyq kórmesi jasaqtalǵan. Sondaı-aq sporttyq oıyndardan saıys ótip, jeńimpazdar marapattalǵan bolatyn.
Aıta keteıik, atalmysh festıvál shilde aıynyń sońyna deıin ótedi. Kelesi kóshti 26-28 mamyr aralyǵynda Sozaq aýdanynyń ónerpazdary jalǵastyrady.
