Aldaǵy ýaqytta aımaqqa kelýshilerdiń sany arta túsedi dep josparlaýdamyz. Bul týraly Túrkistan oblysynyń Óńirlik komýnıkasıalar qyzmetinde ótken brıfıńte Túlkibas aýdanynyń ákimi Nurbol Turashbekov málimdedi.
Budan ózge, aýdan boıynsha ekonomıkalyq belsendi halyq sany - 57,2 myń adamdy qurasa, jumyspen qamtylǵandar - 54,2 myń adam.
«Tehnıkalyq jáne kásiptik bilimi bar kadrlardy daıarlaý boıynsha bes oqý ornymen kelisim-shart túzilip, 195 azamat qysqa merzimdi kásiptik oqý kýrstaryna joldandy. Al jappaı kásipkerlikti damytý «Bastaý-bıznes» jobasy negizinde 166 azamat kásipkerlik negizderine oqýǵa joldanyp, 157 adam sertıfıkat alyp, 52 azamatqa 207,8 mln. teńge nesıe berildi. Áleýmettik jumys oryndaryn uıymdastyrý boıynsha 142 azamat jiberildi», - dedi Nurbol Ábdisattaruly.
Sonymen qatar, aýdanda 18 memlekettik jáne jekemenshik áriptestik sheńberindegi 26 balabaqshada jalpy 6560 bala tárbıelenýde. Balalardy qamtý kórsetkishi jyl qorytyndysymen 97,8 paıyzdy quraǵan.
Infraqurylym boıynsha aýdandaǵy 62 eldi mekenniń 59-y ortalyqtandyrylǵan aýyz sý qubyrymen qamtamasyz etilgen. Kógildir otynmen qamtýda aýdandaǵy 62 eldi mekenniń 60-y gazben qamtylǵan. Avtojol salasy aýdandaǵy 5 eldi mekenniń kóshelerin ortasha jóndeý jumystaryna 149,8 mln. teńge bólinip, onyń 145,5 mln. teńgesi ıgerildi.
