Kún tártibindegi birinshi másele boiynsha minbege shyqqan Túlkibas aýdandyq sotynyń tóraǵasy – Maratáli Óserbaiuly aýdan aýmaǵynda mediatsiia aiasynda atqarylyp jatqan jumystar týraly baiandady. Sonymen qatar, jalpy mediiatsiia júiesiniń artyqshylyqtaryn aita otyryp, aýdan aýmaǵynda mediatsiia júiesin kúsheitý maqsatynda aýdan basshysyna usynystaryn aitty.
Kezdesý barysynda kelesi sóz kezegin alǵan Qazaqstandaǵy mediatorlar basshysy – Elmira Álisherqyzy jalpy respýblikada mediatsiia júiesi aiasynda atqarylyp jatqan jumystarǵa toqtalyp, aýdan aýmaǵynda sotqa deiingi mediatsiia aiasynda atqarylyp jatqan isterge on baǵasyn berdi.
Kún tártibindegi ekinshi másele boiynsha Túrkistan oblysy «Din máselelerin zertteý ortalyǵy» KMM – niń teology Halyqov Medet atalmysh taqyrypta baiandama jasady.
Kezdesýdi qorytyndylaǵan aýdan ákimi Nurbol Ábdisattaruly, aýdanǵa arnaiy kelip, kezdesý ótkizgen qonaqtarǵa aýdan turǵyndary jáne óz atynan alǵysyn bildirip, aýdanda sotqa deiingi mediatsiia júiesin damytý maqsatynda aitylǵan usynystar nazarǵa alynyp, tiisti jumystar júrgiziletindigin aitty. Sondai-aq aýyldyq okrýg, kent ákimderine ár okrýg, kentterden 1 mediatordan oqytýdy uiymdastyrýlaryn tapsyrdy.
