كۇن تارتىبىندەگى ءبىرىنشى ماسەلە بويىنشا مىنبەگە شىققان تۇلكىباس اۋداندىق سوتىنىڭ ءتوراعاسى – ءماراتالى وسەرباي ۇلى اۋدان اۋماعىندا مەدياسيا اياسىندا اتقارىلىپ جاتقان جۇمىستار تۋرالى باياندادى. سونىمەن قاتار، جالپى مەدياسيا جۇيەسىنىڭ ارتىقشىلىقتارىن ايتا وتىرىپ، اۋدان اۋماعىندا مەدياسيا جۇيەسىن كۇشەيتۋ ماقساتىندا اۋدان باسشىسىنا ۇسىنىستارىن ايتتى.
كەزدەسۋ بارىسىندا كەلەسى ءسوز كەزەگىن العان قازاقستانداعى مەدياتورلار باسشىسى – ەلميرا الىشەر قىزى جالپى رەسپۋبليكادا مەدياسيا جۇيەسى اياسىندا اتقارىلىپ جاتقان جۇمىستارعا توقتالىپ، اۋدان اۋماعىندا سوتقا دەيىنگى مەدياسيا اياسىندا اتقارىلىپ جاتقان ىستەرگە ون باعاسىن بەردى.
كۇن تارتىبىندەگى ەكىنشى ماسەلە بويىنشا تۇركىستان وبلىسى «ءدىن ماسەلەلەرىن زەرتتەۋ ورتالىعى» كمم – ءنىڭ تەولوگى حالىقوۆ مەدەت اتالمىش تاقىرىپتا بايانداما جاسادى.
كەزدەسۋدى قورىتىندىلاعان اۋدان اكىمى نۇربول ءابدىساتتار ۇلى، اۋدانعا ارنايى كەلىپ، كەزدەسۋ وتكىزگەن قوناقتارعا اۋدان تۇرعىندارى جانە ءوز اتىنان العىسىن ءبىلدىرىپ، اۋداندا سوتقا دەيىنگى مەدياسيا جۇيەسىن دامىتۋ ماقساتىندا ايتىلعان ۇسىنىستار نازارعا الىنىپ، ءتيىستى جۇمىستار جۇرگىزىلەتىندىگىن ايتتى. سونداي-اق اۋىلدىق وكرۋگ، كەنت اكىمدەرىنە ءار وكرۋگ، كەنتتەردەن 1 مەدياتوردان وقىتۋدى ۇيىمداستىرۋلارىن تاپسىردى.
