Bıyl Túlkibas aýdanyndaǵy birqatar aýyldardyń joldary jóndelip, halyqtyń barys-kelisi aıtarlyqtaı jeńildep qaıtty. Bul rette aýdanǵa qarasty Keltemashat, Azattyq, Kókterek, Túlkibas, T.Rysqulov eldi mekenderiniń kóshelerin ortasha jóndeý jumystaryna 149,8  mln. teńge bólinip, onyń 145,5 mln. teńgesi ıgerilgenin taıaýda Túrkistan qalasynda jýrnalısermen júzdesken aýdan ákimi Nurbol Turashbekov málimdedi.

Aýdanda «Óńirlerdi damytý» baǵdarlamasy boıynsha abattandyrý jumystaryna 105,6 mln.teńge bólinip, 105,2 mln. teńgesi ıgerilipti.

Osy rette Túlkibas aýdanynda Keńes zamanynda tartylǵan elektir jelilerin jańalaý isi de qarqyn alǵanyn atap aıtýǵa bolady. Bıyl aýdandaǵy T.Rysqulov, Jaskeshý, Shuqyrbulaq, Jarımbetov, Kúmisbastaý, Alǵabas, Tastumsyq, Qabanbaı, Aqbıik, Jabaǵyly, Qaıyrshaqty, Kókterek, Azattyq aýyldarynyń ishki kóshelerine elektr jelisin tartý jáne transformator ornatý qurylystaryna ústimizdegi jylǵa oblystyq búdjetten  330,7 mln. teńge qarastyrylyp, jumystar júrgizilgen.

Sonymen qatar T.Rysqulov, Azattyq aýyldarynyń ishki kóshelerin elektr qýatymen qamtamasyz etýge aýdandyq búdjetten jobalyq smetalyq qujattardy (JSQ) daıyndaýǵa 5,6 mln. teńge qarjy qarastyrylyp, saraptama qortyndysy 2019 jylǵa oblystyq búdjetten qarjy qarastyrǵa usynylǵanyn aıta ketýimiz kerek.

 

Dalanews.kz