بيىل تۇلكىباس اۋدانىنداعى ءبىرقاتار اۋىلداردىڭ جولدارى جوندەلىپ، حالىقتىڭ بارىس-كەلىسى ايتارلىقتاي جەڭىلدەپ قايتتى. بۇل رەتتە اۋدانعا قاراستى كەلتەماشات، ازاتتىق، كوكتەرەك، تۇلكىباس، ت.رىسقۇلوۆ ەلدى مەكەندەرىنىڭ كوشەلەرىن ورتاشا جوندەۋ جۇمىستارىنا 149،8  ملن. تەڭگە ءبولىنىپ، ونىڭ 145،5 ملن. تەڭگەسى يگەرىلگەنىن تاياۋدا تۇركىستان قالاسىندا جۋرناليستەرمەن جۇزدەسكەن اۋدان اكىمى نۇربول تۇراشبەكوۆ مالىمدەدى.

اۋداندا «وڭىرلەردى دامىتۋ» باعدارلاماسى بويىنشا اباتتاندىرۋ جۇمىستارىنا 105،6 ملن.تەڭگە ءبولىنىپ، 105،2 ملن. تەڭگەسى يگەرىلىپتى.

وسى رەتتە تۇلكىباس اۋدانىندا كەڭەس زامانىندا تارتىلعان ەلەكتىر جەلىلەرىن جاڭالاۋ ءىسى دە قارقىن العانىن اتاپ ايتۋعا بولادى. بيىل اۋدانداعى ت.رىسقۇلوۆ، جاسكەشۋ، شۇقىربۇلاق، جاريمبەتوۆ، كۇمىسباستاۋ، العاباس، تاستۇمسىق، قابانباي، اقبيىك، جاباعىلى، قايىرشاقتى، كوكتەرەك، ازاتتىق اۋىلدارىنىڭ ىشكى كوشەلەرىنە ەلەكتر جەلىسىن تارتۋ جانە ترانسفورماتور ورناتۋ قۇرىلىستارىنا ۇستىمىزدەگى جىلعا وبلىستىق بيۋدجەتتەن  330،7 ملن. تەڭگە قاراستىرىلىپ، جۇمىستار جۇرگىزىلگەن.

سونىمەن قاتار ت.رىسقۇلوۆ، ازاتتىق اۋىلدارىنىڭ ىشكى كوشەلەرىن ەلەكتر قۋاتىمەن قامتاماسىز ەتۋگە اۋداندىق بيۋدجەتتەن جوبالىق سمەتالىق قۇجاتتاردى (جسق) دايىنداۋعا 5،6 ملن. تەڭگە قارجى قاراستىرىلىپ، ساراپتاما قورتىندىسى 2019 جىلعا وبلىستىق بيۋدجەتتەن قارجى قاراستىرعا ۇسىنىلعانىن ايتا كەتۋىمىز كەرەك.

 

Dalanews.kz