Bul baǵytta búgingi tańda aýdan ákimdiginiń uıytqy bolýymen qarqyndy jumystar bastalyp ketti. Naqty aıtar bolsaq, demeýshiler esebinen aýdan aýmaǵyndaǵy 70,4 shaqyrymdy quraıtyn 21 kanalǵa mehanıkalyq tazalaý jumystary iske asýda. Nátıjesinde 2196 gektar jerge aýyz sý baryp, 1380 gektar úı irgelik jáne sharýa qojalyqtardyń sýarmaly jerlerin qaıta aınalymǵa qosý josparlanýda.
Bul baǵytta jumystyń jandanýy aýyl aımaqtarda turatyn turǵyndardyń ál-aýqatynyń artýyna tikeleı yqpal etpek. Sebebi, aýyl turǵyndarynyń úı irgelik jerlerine egin egip, ónim alýǵa bar múmkindikter týmaq.
Esterińizge sala keteıik, 2019 jyly aýdan ákimdiginiń uıytqy bolýymen demeýshiler esebinen Mashat, Keltemashat jáne Arys aýyldyq okrýgteriniń aýmaǵyndaǵy jalpy uzyndyǵy - 43,2 shaqyrymdy quraıtyn 8 sý nysandarynyń boıyna mehanıkalyq tazalaý jumystary júrgizilip, 2 dana bas sý qurylymy salyndy. Nátıjesinde 1007 gektar aýylsharýashylyǵy baǵytyndaǵy jerler aǵyndy sýmen qamtamasyz etilip otyr.
