بۇل باعىتتا بۇگىنگى تاڭدا اۋدان اكىمدىگىنىڭ ۇيىتقى بولۋىمەن قارقىندى جۇمىستار باستالىپ كەتتى. ناقتى ايتار بولساق، دەمەۋشىلەر ەسەبىنەن اۋدان اۋماعىنداعى 70،4 شاقىرىمدى قۇرايتىن 21 كانالعا مەحانيكالىق تازالاۋ جۇمىستارى ىسكە اسۋدا. ناتيجەسىندە 2196 گەكتار جەرگە اۋىز سۋ بارىپ، 1380 گەكتار ءۇي ىرگەلىك جانە شارۋا قوجالىقتاردىڭ سۋارمالى جەرلەرىن قايتا اينالىمعا قوسۋ جوسپارلانۋدا.
بۇل باعىتتا جۇمىستىڭ جاندانۋى اۋىل ايماقتاردا تۇراتىن تۇرعىنداردىڭ ءال-اۋقاتىنىڭ ارتۋىنا تىكەلەي ىقپال ەتپەك. سەبەبى، اۋىل تۇرعىندارىنىڭ ءۇي ىرگەلىك جەرلەرىنە ەگىن ەگىپ، ءونىم الۋعا بار مۇمكىندىكتەر تۋماق.
ەستەرىڭىزگە سالا كەتەيىك، 2019 جىلى اۋدان اكىمدىگىنىڭ ۇيىتقى بولۋىمەن دەمەۋشىلەر ەسەبىنەن ماشات، كەلتەماشات جانە ارىس اۋىلدىق وكرۋگتەرىنىڭ اۋماعىنداعى جالپى ۇزىندىعى - 43،2 شاقىرىمدى قۇرايتىن 8 سۋ نىساندارىنىڭ بويىنا مەحانيكالىق تازالاۋ جۇمىستارى جۇرگىزىلىپ، 2 دانا باس سۋ قۇرىلىمى سالىندى. ناتيجەسىندە 1007 گەكتار اۋىلشارۋاشىلىعى باعىتىنداعى جەرلەر اعىندى سۋمەن قامتاماسىز ەتىلىپ وتىر.
