Aýdan aýmaǵynda jalpy avtomobil joldarynyń jalpy uzyndyǵy 827,9 shaqyrymdy quraidy.
Onyń ishinde – respýblikalyq mańyzy bar 59 shaqyrym bolsa, oblystyq mańyzy bar 242,9 shaqyrym. Al aýdandyq mańyzy bar joldar 96,6 shaqyrym, eldi-meken kósheleri 429,4 shaqyrymdy quraidy.
2019 jyly aýdan boiynsha jalpy uzyndyǵy 62,3 shaqyrym 41 jolǵa kúrdeli jáne ortasha jóndeý jumystaryn júrgizý josparlanǵan.
Onyń ishinde: 15,2 shaqyrym 5 jolǵa kúrdeli jóndeý jumystary, 47,1 shaqyrym 36 jolǵa ortasha jóndeý jumystary júrgizilýde. Búgingi tańda atalmysh joldardyń 20 shaqyrymy jóndeýden ótip, paidalanýǵa berildi.
Jalpy jóndeý jumystary aǵymdaǵy jyldyń tamyz-qyrkúiek ailarynda aiaqtalyp, jurt jańa joldy paidalana bastaidy. Osy jumystar atqarylǵan soń aýdandyq mańyzy bar joldardyń jaqsy jáne qanaǵatty jaǵdaiy 84,2% -ǵa, eldi-meken kósheleri 85,1%-ǵa artpaq.
