تۇلكىباس اۋدانىندا الەۋمەتتىك ماسەلەلەردىڭ دەنى وڭ شەشىمىن تاۋىپ، اۋدانداعى اۆتوموبيل جولدارى مەن ەلدى مەكەن كوشەلەرىن جوندەۋ جۇمىستارى قارقىندى جۇزەگە اسىپ جاتىر.

اۋدان اۋماعىندا جالپى اۆتوموبيل جولدارىنىڭ جالپى ۇزىندىعى 827،9 شاقىرىمدى قۇرايدى.

ونىڭ ىشىندە – رەسپۋبليكالىق ماڭىزى بار 59 شاقىرىم بولسا، وبلىستىق ماڭىزى بار 242،9 شاقىرىم. ال اۋداندىق ماڭىزى بار جولدار 96،6 شاقىرىم، ەلدى-مەكەن كوشەلەرى 429،4 شاقىرىمدى قۇرايدى.

2019 جىلى اۋدان بويىنشا جالپى ۇزىندىعى 62،3 شاقىرىم 41 جولعا كۇردەلى جانە ورتاشا جوندەۋ جۇمىستارىن جۇرگىزۋ جوسپارلانعان.

ونىڭ ىشىندە: 15،2 شاقىرىم 5 جولعا كۇردەلى جوندەۋ جۇمىستارى، 47،1 شاقىرىم 36 جولعا ورتاشا جوندەۋ جۇمىستارى جۇرگىزىلۋدە. بۇگىنگى تاڭدا اتالمىش جولداردىڭ 20 شاقىرىمى جوندەۋدەن ءوتىپ، پايدالانۋعا بەرىلدى.

جالپى جوندەۋ جۇمىستارى اعىمداعى جىلدىڭ تامىز-قىركۇيەك ايلارىندا اياقتالىپ، جۇرت جاڭا جولدى پايدالانا باستايدى. وسى جۇمىستار اتقارىلعان سوڭ اۋداندىق ماڭىزى بار جولداردىڭ جاقسى جانە قاناعاتتى جاعدايى 84،2% -عا، ەلدى-مەكەن كوشەلەرى 85،1%-عا ارتپاق.