Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túlkibasta 20 jyldyq túlekter 13 jyl jaldamaly páterde turǵan kópbalaly otbasyǵa baspana syilady

Dalanews
Túlkibasta 20 jyldyq túlekter 13 jyl jaldamaly páterde turǵan kópbalaly otbasyǵa baspana syilady
Túlkibas aýdanynyń ortalyǵyndaǵy Abai atyndaǵy mektep-litseiiniń 20 jyl burynǵy túlekteri turǵyn úige qol jetkize almai júrgen kópbalaly otbasyǵa 4 bólmeli baspana syilady, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.

Osylaisha mektep túlekteri úidi kópbalaly Dúisenbekovter otbasyna tabystady. Otaǵasynyń múgedektigi bar otbasy 13 jyl jaldamaly páterde turyp kelgen. Mektep qabyrǵasyndaǵy ótken «Sońǵy qońyraý» sharasynan keiin túlekter tosynsyi jasap, kiltti otbasyǵa tabystady.

Baspana zaman talabyna sai jóndeýden ótken. Elektr jaryǵy men sý jáne gazyn da qosyp, ishin qajetti jihazben de qamtyǵan. Osy ýaqytqa deiin aýdan ákimdiginiń qamqorlyǵynda bolyp kelgen otbasyǵa aldaǵy ýaqytta jomart jandar men memleket tarapynan basqa da kómekter kórsetilmek.

Budan ózge, aýdandaǵy Qaraǵashty aýylynda Daýan jalpy orta mektebiniń dál osyndai 20 jyl buryn bitirgen túlekteri tórt birdei múmkindigi shekteýli jandary bar Tájibaevtar otbasynyń qulap qalǵan úiin qaita turǵyzyp, baspanasyn jańartyp bergen. Sondai-aq, atalǵan mekteptiń túlekteri Qaraǵashty aýylynyń ortalyq meshitiniń jylý júiesin júrgizip, kilemderin jańartyp bergen.
sońǵy qońyraý Túlkibas Abai atyndaǵy mektep-litsei Qaraǵashty aýyly Madina Sádýaqasova

Oqi otyryńyz