تٷلكٸباستا 20 جىلدىق تٷلەكتەر 13 جىل جالدامالى پەتەردە تۇرعان كٶپبالالى وتباسىعا باسپانا سىيلادى
تٷلكٸباس اۋدانىنىڭ ورتالىعىنداعى اباي اتىنداعى مەكتەپ-ليتسەيٸنٸڭ 20 جىل بۇرىنعى تٷلەكتەرٸ تۇرعىن ٷيگە قول جەتكٸزە الماي جٷرگەن كٶپبالالى وتباسىعا 4 بٶلمەلٸ باسپانا سىيلادى, – دەپ حابارلايدى Dalanews.kz تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
وسىلايشا مەكتەپ تٷلەكتەرٸ ٷيدٸ كٶپبالالى دٷيسەنبەكوۆتەر وتباسىنا تابىستادى. وتاعاسىنىڭ مٷگەدەكتٸگٸ بار وتباسى 13 جىل جالدامالى پەتەردە تۇرىپ كەلگەن. مەكتەپ قابىرعاسىنداعى ٶتكەن «سوڭعى قوڭىراۋ» شاراسىنان كەيٸن تٷلەكتەر توسىنسىي جاساپ, كٸلتتٸ وتباسىعا تابىستادى.
باسپانا زامان تالابىنا ساي جٶندەۋدەن ٶتكەن. ەلەكتر جارىعى مەن سۋ جەنە گازىن دا قوسىپ, ٸشٸن قاجەتتٸ جيھازبەن دە قامتىعان. وسى ۋاقىتقا دەيٸن اۋدان ەكٸمدٸگٸنٸڭ قامقورلىعىندا بولىپ كەلگەن وتباسىعا الداعى ۋاقىتتا جومارت جاندار مەن مەملەكەت تاراپىنان باسقا دا كٶمەكتەر كٶرسەتٸلمەك.
بۇدان ٶزگە, اۋدانداعى قاراعاشتى اۋىلىندا داۋان جالپى ورتا مەكتەبٸنٸڭ دەل وسىنداي 20 جىل بۇرىن بٸتٸرگەن تٷلەكتەرٸ تٶرت بٸردەي مٷمكٸندٸگٸ شەكتەۋلٸ جاندارى بار تەجٸباەۆتار وتباسىنىڭ قۇلاپ قالعان ٷيٸن قايتا تۇرعىزىپ, باسپاناسىن جاڭارتىپ بەرگەن. سونداي-اق, اتالعان مەكتەپتٸڭ تٷلەكتەرٸ قاراعاشتى اۋىلىنىڭ ورتالىق مەشٸتٸنٸڭ جىلۋ جٷيەسٸن جٷرگٸزٸپ, كٸلەمدەرٸن جاڭارتىپ بەرگەن.
