Áleýmettik jelide Tý ustap, tumshalanyp sýretke túsken qyzdar qyzý talqyǵa túskennen keiin Májilis depýtaty Ermurat Bapi Bas prokýror Berik Asylovqa depýtattyq saýal joldady. Bas prokýror depýtattyń saýalyna jaýap berip, bul baǵytta qandai jumystar atqarylyp jatqanyn málimdedi, – dep habarlaidy Dalanews.kz.
Bas prokýratýra málimetinshe, depýtattyq saýalda kóterilgen, kiiz úĭde bi bilep, beĭədep əreketimen qoǵamnyń nazaryn aýdartqan beĭnerolik Almaty oblysynyń Qarasaĭ aýdanynda túsirilgen.
"Bul derek boĭynsha Qarasaĭ aýdanynyń politsiia basqarmasy Qylmystyq kodekstiń 174-babynyń 1-bóligimen (əleýmettik, ulttyq, rýlyq, nəsildik, tektik-toptyq nemese dini alaýyzdyqty qozdyrý) sotaldy tergep-tekserý júrgizip jatyr", - dep jazylǵan jaýapta.
Bas prokýror Berik Asylov Atyraýdaǵy jaitqa qatysty da pikir bildirdi.
"Atyraý oblysyndaǵy oqiǵa boĭynsha quqyqqa qaĭshy əreket jasaǵan 4 qyz sot sheshimimen Ákimshilik quqyq buzýshylyq týraly kodekstiń 434-babynyń 1-bóligimen (usaq buzaqylyq) əkimshilik jaýapqa tartyldy: F.Q.A (78 640 teńge aĭyppul), Ǵ.Q.H. (zańdy ókili anasyna 39 320 teńge aĭyppul), N.A.A. (zańdy ókili anasyna 39 320 teńge aĭyppul), M.K.N. (15 təýlikke əkimshilik qamaq)", - dedi ol.
Bul derek boĭynsha da 2025 jylǵy 27 naýryzda Atyraý qalasynyń politsiia basqarmasy Qylmystyq kodekstiń 372-babymen (memlekettik rəmizderdi qorlaý) sotaldy tergep-tekserýdi bastaǵan.
"Qylmystyq is sheńberinde tiisti saraptama taǵaĭyndaldy, mən-jaĭlar boĭynsha saýalda kórsetilgen ýəjder tekseriledi. Olardyń nətijeleri boĭynsha quqyqtyq baǵa berilip, qylmystyq is boĭynsha protsestik sheshim qabyldanady", - dep sendirdi Bas prokýror.
Budan bólek depýtat túr-túsi burmalanǵan Qazaqstan týy Wildberries Russ marketpleisinde 5000 myń teńgeden erkin jáne ashyq saýdada satylyp jatqanyn da synaǵan edi.
"Qylmystyq qýdalaý organy Ozon marketpleĭsiniń Qazaqstandaǵy ókildigine qylmystyq quqyqbuzýshylyqtar jəne basqa da zańbuzýshylyqtar jasaýǵa yqpal etken mən-jaĭlardy joiý jóninde usynysty qylmystyq is sheńberinde joldady. Nətijesinde Ozon saĭtynan jazýy bar Qazaqstan Respýblikasynyń Memlekettik Týyn satý týraly, sondaĭ-aq, kez kelgen dini materialdarǵa qatysty barlyq jarnama alynyp tastaldy", - dedi ol.
Sonymen qatar, Mədeniet jəne aqparat ministrligi marketpleĭsterde dini materialdardyń taralýyn zańnamalyq retteý məselesin qarastyryp jatqany belgili boldy.
"Onlaĭn-platformalar men mass-mediada jastar arasyndaǵy dini ekstremizmniń aldyn alý, zaĭyrly memlekettegi din, kiberqaýipsizdik, memlekettik-konfessiialyq qatynastar, qazaq mədenietiniń dəstúrli qundylyqtary jəne t.b. týraly aqparattyq-túsindirý kontentteri jariialanyp jatyr. ...Dini ekstremizmniń jəne terrorizmniń aldyn alý jəne boldyrmaý maqsatynda múddeli memlekettik organdar tiisti jumystardy jalǵastyryp jatyr", - dedi Asylov.
Eske salaiyq, buǵan deiin Májilis depýtaty jaýapty mekemelerden shuǵyl sharalardy qolǵa alýdy suraǵan bolatyn.
