2025 jylǵy 19 naýryzdan bastap "Railverse" kompaniiasynyń 100% úlesi "Transtelekom"AQ-ǵa tiesili ekeni belgili boldy. Al buǵan deiin bul kompaniia quryltaishysy, 2025 jylǵy 27 naýryzdaǵy resmi málimetter boiynsha, "Transtelekomnyń" túpkilikti qojaiyndarynyń biri — kásipker Nuráli Áliev bolyp kelgen edi, dep habarlaidy Dalanews.kz.
"Railverse" JShS 2009 jyldyń qańtarynda tirkelgen, Astanada ornalasqan. Kompaniia saityndaǵy málimetterge sáikes, kompaniia baǵdarlamalyq qamtamasyz etýshi jasaqtamalardy ázirleidi, Qazaqstanda sertifikattalatyn avtomattandyrý jiyntyq qurylǵylaryn shyǵarady, infraqurylym obektilerinde izdestirý jáne zertteý jumystaryn júrgizedi jáne t.b. 2012-2015 jyldary Railverse "Transtelekom" úshin temirjol kóligindegi elektr energiiasy men dizel otynyn tutynýdy esepke alýdyń, baqylaýdyń jáne taldaýdyń avtomattandyrylǵan júiesiniń jobasyn ázirlegen. Railverse klientteriniń qatarynda QTJ, "QazTransOil", "PetroQazaqstan Qumkól Resorsiz", "Qaraǵandy Jaryq" jáne t. b. bar.
Aita ketsek, 2025 jyly 11 aqpanda Nuráli Áliev "Transtelekom" AQ direktorlar keńesi tóraǵasy retindegi ókilettigin toqtatatynyn málimdedi. Ol aktsionerler quramynan shyǵyp, kompaniia satylýyna bailanysty direktorlar keńesi tóraǵasy kreslosyn bosatynyn aitty. Degenmen ol janama túrde, qujat boiynsha áli de "Transtelekom" AQ aktsioneri bolyp tabylatynyn aita ketelik.
"Transtelekom" - qazaqstandyq iri bailanys operatorlarynyń biri, telekommýnikatsiia jáne IT-qyzmettermen ainalysady. Forbes málimetteri boiynsha Unit Telecom arqyly kompaniia aktsiialarynyń 75 paiyzyna ielik etýshiler - Nuráli Áliev pen Dmitrii Pokýpatelev. Qalǵan 25 paiyzy "Qazaqstan temir jolynda". Buryn kompaniia memleketke tiesili bolǵan. 2015 jyly "Transtelekom" 9 milliard teńgege jekeshelendirilgeni belgili boldy.
Qor birjasyndaǵy qujattaǵy derekterge sáikes, "Transtelekom" direktorlary keńesiniń quramyna 12 aqpanda ózgerister engizildi. Keńes quramy tiziminen Álievpen birge taǵy eki top menedjerdiń (Berik Ótemuratov jáne Eldar Ǵumarov) aty-jóni syzylǵan.
Al Álievpen birge kompaniianyń 75% aktsiiasyn óz baqylaýynda ustaǵan Dmitrii Pokýpatelev direktorlar keńesiniń tóraǵasy bolyp qaita taǵaiyndaldy.
Onymen birge jańartylǵan quramǵa Jusan Mobile-diń úsh ókili kirdi:
- Qairat Balyqbaev - Jusan Mobile Basqarmasynyń tóraǵasy, buryn aqparat jáne kommýnikatsiialar vitse-ministri, Eýraziialyq damý bankiniń tsifrlyq bastamalar direktsiiasynyń basqarýshy direktory, saýda jáne integratsiia vitse-ministri bolǵan.
- Andrei Marchenko - Jusan mobile direktorlar keńesiniń tóraǵasy.
- Nurlan Arynǵaziev - Jusan mobile direktorlar keńesiniń múshesi.
KASE-de jariialanǵan qujattaǵy derekterge sáikes, direktorlar keńesiniń jańa músheleri "Unit Telecom" JShS aktsioneriniń ókilderi bolyp tabylady. Jusan mobile-diń túpki benefitsiary – kásipker Ǵalymjan Esenov.
Nuráli Áliev (Dariǵa Nazarbaevanyń uly) Qazaqstannyń 75 bai biznesmenderi reitinginde 41-shi orynda (2024) tur. Forbes Kazakhstan onyń bailyǵyn 220 mln dollarǵa baǵalaidy. 2024 jyldyń mamyr aiyndaǵy derek boiynsha, Áliev "Capital Holding" JShS jáne "Darmen Holding" JShS-lardyń aktsioneri, Almatyda Donatello Hotels and Resorts (BAÁ, Dýbai), Donatello boutique hotel meimanhalarymen birge Almaty men Astanada birneshe meiramhanalary da bar.
"Transtelekom" Qazaqstandaǵy 75 iri jeke kompaniialar reitingine enedi (2024), 36-orynda, kirisi 78,9 mlrd teńge, al taza paidasy 10,7 mlrd teńge bolady.
