Avtomobilmen júk tasý jáne THKB arqyly júk tasýdy damytý úshin birlesken kásiporyn qurýǵa da ýaǵdalasty.
– Birlesken kásiporyn tarif belgileý jáne júkterdi deklaratsiialaý máselelerin sheshýge, biryńǵai IT sheshimder qoldanýǵa jáne atalǵan baǵytta tranzit júkterdi shoǵyrlandyrýǵa múmkindik beredi. Ýaǵdany iske asyrýǵa arnaiy jumys tobyn qurý týraly sheshim qabyldandy, – dep habarlady Indýstriia jáne infraqurylymdyq damý ministrliginen.
– Tbilisi qalasynda ótken kezdesýde Grýziia tarapy THKB-ny ilgeriletý úshin birlesken logistikalyq kompaniia qurý jónindegi qazaqstandyq bastamany qoldady. Kezdesý qorytyndysynda bul baǵdardy odan ári damytý týraly birlesken deklaratsiiaǵa qol qoiyldy, – dep qosady ministrlik.
Aita keteiik, biyl THKB arqyly júk tasymaldaý eki ese ulǵaitylmaq.
Reseige sanktsiialar salynyp, munaidy eksporttaý máselesi talqylanyp jatqan tusta Transkaspii halyqaralyq kólik baǵdary (THKB) arqyly júk tasymaldaý kólemi aldaǵy ýaqytta eki ese ulǵaitylatyny habarlandy. «Qazaqstandyq eksporttaýshylar biyl THKB-ge basqa baǵyttardan 2 mln tonnaǵa deiin júk jóneltýdi josparlap otyr. Onyń ishinde munai ónimderi, metall ónimderi jáne kómir bar. Tiisti kólemdi 4 mln tonnaǵa deiin arttyrýǵa bolady» dedi Indýstriia jáne infraqurylymdyq damý ministri Qaiyrbek Óskenbaev daǵdarysqa qarsy sharalar jónindegi jedel shtab otyrysynda.
THBK boiynsha eki baǵytta 10 mln tonnaǵa deiin, onyń ishinde 200 myń konteinerge deiin tasymaldaýǵa bolady.
Birinshi baǵyt: Aqtaý/Quryq – Baký (Aliat) – Ázirbaijan temirjoldary – Grýziia temirjoldary – Batými/Poti porty jáne ári qarai Qara teńizdegi Varna/Býrgas (Bolgariia) nemese Konstantsaǵa (Rýmyniia).
Ekinshi baǵyt: Aqtaý/Quryk – Baký (Aliat) – Ázirbaijan temirjoldary – Grýziia temirjoldary (Baký-Tbilisi-Kars baǵyty) – Túrkiianyń Qara teńizdegi jáne Jerorta teńizdegi
