اۆتوموبيلمەن جۇك تاسۋ جانە تحكب ارقىلى جۇك تاسۋدى دامىتۋ ءۇشىن بىرلەسكەن كاسىپورىن قۇرۋعا دا ۋاعدالاستى.
– بىرلەسكەن كاسىپورىن تاريف بەلگىلەۋ جانە جۇكتەردى دەكلاراسيالاۋ ماسەلەلەرىن شەشۋگە، ءبىرىڭعاي IT شەشىمدەر قولدانۋعا جانە اتالعان باعىتتا ترانزيت جۇكتەردى شوعىرلاندىرۋعا مۇمكىندىك بەرەدى. ۋاعدانى ىسكە اسىرۋعا ارنايى جۇمىس توبىن قۇرۋ تۋرالى شەشىم قابىلداندى، – دەپ حابارلادى يندۋستريا جانە ينفراقۇرىلىمدىق دامۋ مينيسترلىگىنەن.
– تبيليسي قالاسىندا وتكەن كەزدەسۋدە گرۋزيا تاراپى تحكب-نى ىلگەرىلەتۋ ءۇشىن بىرلەسكەن لوگيستيكالىق كومپانيا قۇرۋ جونىندەگى قازاقستاندىق باستامانى قولدادى. كەزدەسۋ قورىتىندىسىندا بۇل باعداردى ودان ءارى دامىتۋ تۋرالى بىرلەسكەن دەكلاراسياعا قول قويىلدى، – دەپ قوسادى مينيسترلىك.
ايتا كەتەيىك، بيىل تحكب ارقىلى جۇك تاسىمالداۋ ەكى ەسە ۇلعايتىلماق.
رەسەيگە سانكسيالار سالىنىپ، مۇنايدى ەكسپورتتاۋ ماسەلەسى تالقىلانىپ جاتقان تۇستا ترانسكاسپيي حالىقارالىق كولىك باعدارى (تحكب) ارقىلى جۇك تاسىمالداۋ كولەمى الداعى ۋاقىتتا ەكى ەسە ۇلعايتىلاتىنى حابارلاندى. «قازاقستاندىق ەكسپورتتاۋشىلار بيىل تحكب-گە باسقا باعىتتاردان 2 ملن تونناعا دەيىن جۇك جونەلتۋدى جوسپارلاپ وتىر. ونىڭ ىشىندە مۇناي ونىمدەرى، مەتالل ونىمدەرى جانە كومىر بار. ءتيىستى كولەمدى 4 ملن تونناعا دەيىن ارتتىرۋعا بولادى» دەدى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ داعدارىسقا قارسى شارالار جونىندەگى جەدەل شتاب وتىرىسىندا.
تحبك بويىنشا ەكى باعىتتا 10 ملن تونناعا دەيىن، ونىڭ ىشىندە 200 مىڭ كونتەينەرگە دەيىن تاسىمالداۋعا بولادى.
ءبىرىنشى باعىت: اقتاۋ/قۇرىق – باكۋ (اليات) – ءازىربايجان تەمىرجولدارى – گرۋزيا تەمىرجولدارى – باتۋمي/پوتي پورتى جانە ءارى قاراي قارا تەڭىزدەگى ۆارنا/بۋرگاس (بولگاريا) نەمەسە كونستانساعا (رۋمىنيا).
ەكىنشى باعىت: اقتاۋ/قۇرىك – باكۋ (اليات) – ءازىربايجان تەمىرجولدارى – گرۋزيا تەمىرجولدارى (باكۋ-تبيليسي-كارس باعىتى) – تۇركيانىڭ قارا تەڭىزدەگى جانە جەرورتا تەڭىزدەگى
