AQSh prezidenti Donald Tramp óziniń arnaiy ókili Stiv Ýitkofftyń Máskeýge baryp, Ýkrainadaǵy soǵysty toqtatý jónindegi usynysty jetkizetinin málimdedi, dep habarlaidy dalanews.kz.
Tramptyń aitýynsha, Ýitkoff Resei basshylyǵyna soǵysty toqtatýǵa baǵyttalǵan bastamany usynbaq.
«Olar soǵysty toqtatý týraly usynysty aitady. Men segiz soǵysty toqtattym. Osy úshin meni maqtan tutasyzdar dep úmittenemin. Biraq bul úshin eshkim maǵan laiyqty baǵasyn berip jatqan joq», – dedi AQSh prezidenti.
Sonymen qatar, Tramp taǵy da Nobel beibitshilik syilyǵyn almaǵanyna ókinish bildirdi. Onyń sózinshe, atalǵan syilyqtyń bir laýreaty marapatty ózine tabystaýǵa daiyn bolǵan.
Ýitkofftyń Máskeý men Kievke sapary
Aldyn ala jariialanǵan kestege sáikes, AQSh-tyń arnaiy ókili Stiv Ýitkoff pen prezidenttiń kúieý balasy Djared Kýshner 5 qyrkúiekte Máskeýge barýy tiis.
Sapardyń kelesi kezeńinde olar 6 qyrkúiekte Kievke attanbaq.
Alaida qaýipsizdik máselelerine bailanysty bul kestege ózgerister engizilýi múmkin.
