اقش پرەزيدەنتٸ دونالد ترامپ ٶزٸنٸڭ ارنايى ٶكٸلٸ ستيۆ ۋيتكوففتىڭ مەسكەۋگە بارىپ, ۋكرايناداعى سوعىستى توقتاتۋ جٶنٸندەگٸ ۇسىنىستى جەتكٸزەتٸنٸن مەلٸمدەدٸ, دەپ حابارلايدى dalanews.kz.
ترامپتىڭ ايتۋىنشا, ۋيتكوفف رەسەي باسشىلىعىنا سوعىستى توقتاتۋعا باعىتتالعان باستامانى ۇسىنباق.
«ولار سوعىستى توقتاتۋ تۋرالى ۇسىنىستى ايتادى. مەن سەگٸز سوعىستى توقتاتتىم. وسى ٷشٸن مەنٸ ماقتان تۇتاسىزدار دەپ ٷمٸتتەنەمٸن. بٸراق بۇل ٷشٸن ەشكٸم ماعان لايىقتى باعاسىن بەرٸپ جاتقان جوق», – دەدٸ اقش پرەزيدەنتٸ.
سونىمەن قاتار, ترامپ تاعى دا نوبەل بەيبٸتشٸلٸك سىيلىعىن الماعانىنا ٶكٸنٸش بٸلدٸردٸ. ونىڭ سٶزٸنشە, اتالعان سىيلىقتىڭ بٸر لاۋرەاتى ماراپاتتى ٶزٸنە تابىستاۋعا دايىن بولعان.
ۋيتكوففتىڭ مەسكەۋ مەن كيەۆكە ساپارى
الدىن الا جارييالانعان كەستەگە سەيكەس, اقش-تىڭ ارنايى ٶكٸلٸ ستيۆ ۋيتكوفف پەن پرەزيدەنتتٸڭ كٷيەۋ بالاسى دجارەد كۋشنەر 5 قىركٷيەكتە مەسكەۋگە بارۋى تيٸس.
ساپاردىڭ كەلەسٸ كەزەڭٸندە ولار 6 قىركٷيەكتە كيەۆكە اتتانباق.
الايدا قاۋٸپسٸزدٸك مەسەلەلەرٸنە بايلانىستى بۇل كەستەگە ٶزگەرٸستەر ەنگٸزٸلۋٸ مٷمكٸن.
