AQSh prezidenti Donald Tramp ótken juma kúni Aq úide ótken shielenisti kezdesýde Ýkraina prezidenti Vladimir Zelenskiige Reseidiń sharttaryn qabyldaýdy talap etken. Bul týraly Financial Times derekkózi málimdedi, dep habarlaidy Dalanews.kz.
Basylymnyń málimetinshe, eki el basshylarynyń kezdesýi birneshe ret daý-janjalǵa ulasqan. Tramp jii ashýlanyp, qatty sóilegen. Derekkózderdiń aitýynsha, Aq úi basshysy Zelenskiiden aýmaqtyq jeńildikterge kelisýdi tabandy túrde suraǵan.
Prezident AQSh kartalardy ústelden ysyryp tastap, bir kún buryn Resei prezidentimen telefon arqyly sóileskende aitylǵan ýájderdi birneshe ret qaitalap otyrǵan.
Materialda aitylǵandai, Tramp kezdesýden keiingi málimdemesinde qaqtyǵysty qazirgi bailanys shebi boiynsha "toqtata turý" týraly pikir bildirgenimen, onyń Zelenskiige qatysty qatqyl minezi "Pýtinniń barynsha qatań talaptaryn qoldaýǵa ázir ekenin" kórsetken.
16 qazanda Tramp Resei prezidentimen telefon arqyly sóilesip, "aitarlyqtai ilgerileý baryn" málimdegen bolatyn. Eki tarap aldymen syrtqy ister ministrleriniń kezdesýin, sodan keiin Vengriia astanasynda memleket basshylarynyń jeke júzdesýin ótkizýge ýaǵdalasqan.
AQSh pen Ýkraina basshylarynyń kezdesýi 17 qazanda ótti. Basty taqyryp – Kievke alys qashyqqa ushatyn Tomahawk qanatty zymyrandaryn berý máselesi boldy.
