AQSh prezidenti Donald Tramp Iranmen aradaǵy ýaqytsha bitimdi onyń basshylyǵy men ókilderi ortaq ustanymǵa kelgenge deiin uzartatynyn málimdedi. Bul týraly ol 22 sáýirge qaraǵan túni Truth Social platformasynda jazdy, dep habarlaidy Dalanews.kz.
Tramptyń aitýynsha, Iranǵa soqqy berýdi ýaqytsha toqtatýdy Pákistan biligi suraǵan. Bul el AQSh pen Iran arasyndaǵy kelissózderde deldal bolyp otyr. Sondai-aq ol Iran úkimeti ishinde aitarlyqtai alaýyzdyq bar ekenin atap ótti.
Aq úi basshysy málimdemesinde Asim Mýnir men Shahbaz Sharif tarapynan da osyndai ótinish túskenin jetkizdi.
Sonymen qatar, Tramp AQSh armiiasyna Ormýz buǵazy mańyndaǵy blokadany jalǵastyryp, tolyq jaýyngerlik daiyndyqty saqtaýdy tapsyrǵanyn aitty.
Buǵan deiin irandyq Tasnim agenttigi Tegeran 22 sáýirde Islamabad qalasynda ótýi tiis kelissózderdiń ekinshi kezeńine qatysýdan túbegeili bas tartqanyn habarlaǵan. Iran tarapy mundai kelissózderdi «ýaqytty bosqa joǵaltý» dep baǵalap, AQSh-ty «shekten tys talaptar qoiyp otyr» dep aiyptady.
Al Axios Izraildegi derekkózge silteme jasap, AQSh Irannyń joǵarǵy kóshbasshysy Modjtaba Hamenei tarapynan usynylǵan sharttarǵa jaýap kútetinin jazdy.
