اقش پرەزيدەنتٸ دونالد ترامپ يرانمەن اراداعى ۋاقىتشا بٸتٸمدٸ ونىڭ باسشىلىعى مەن ٶكٸلدەرٸ ورتاق ۇستانىمعا كەلگەنگە دەيٸن ۇزارتاتىنىن مەلٸمدەدٸ. بۇل تۋرالى ول 22 سەۋٸرگە قاراعان تٷنٸ Truth Social پلاتفورماسىندا جازدى, دەپ حابارلايدى Dalanews.kz.
ترامپتىڭ ايتۋىنشا, يرانعا سوققى بەرۋدٸ ۋاقىتشا توقتاتۋدى پەكٸستان بيلٸگٸ سۇراعان. بۇل ەل اقش پەن يران اراسىنداعى كەلٸسسٶزدەردە دەلدال بولىپ وتىر. سونداي-اق ول يران ٷكٸمەتٸ ٸشٸندە ايتارلىقتاي الاۋىزدىق بار ەكەنٸن اتاپ ٶتتٸ.
اق ٷي باسشىسى مەلٸمدەمەسٸندە اسيم مۋنير مەن شاحباز شاريف تاراپىنان دا وسىنداي ٶتٸنٸش تٷسكەنٸن جەتكٸزدٸ.
سونىمەن قاتار, ترامپ اقش ارميياسىنا ورمۋز بۇعازى ماڭىنداعى بلوكادانى جالعاستىرىپ, تولىق جاۋىنگەرلٸك دايىندىقتى ساقتاۋدى تاپسىرعانىن ايتتى.
بۇعان دەيٸن يراندىق Tasnim اگەنتتٸگٸ تەگەران 22 سەۋٸردە يسلاماباد قالاسىندا ٶتۋٸ تيٸس كەلٸسسٶزدەردٸڭ ەكٸنشٸ كەزەڭٸنە قاتىسۋدان تٷبەگەيلٸ باس تارتقانىن حابارلاعان. يران تاراپى مۇنداي كەلٸسسٶزدەردٸ «ۋاقىتتى بوسقا جوعالتۋ» دەپ باعالاپ, اقش-تى «شەكتەن تىس تالاپتار قويىپ وتىر» دەپ ايىپتادى.
ال Axios يزرايلدەگٸ دەرەككٶزگە سٸلتەمە جاساپ, اقش يراننىڭ جوعارعى كٶشباسشىسى مودجتابا حامەنەي تاراپىنان ۇسىنىلعان شارتتارعا جاۋاپ كٷتەتٸنٸن جازدى.
