AQSh prezidenti Donald Tramp Ýkraina biligi Vashington kórsetip otyrǵan qoldaýǵa alǵys bildirmegenin aityp aiyptady, sondai-aq, Eýropa elderin Resei munaiyn toqtaýsyz satyp alyp otyrǵany úshin synady, dep habarlaidy Dalanews.kz
Bul týraly Tramp 23 qarasha, jeksenbi kúni Truth Social áleýmettik jelisindegi paraqshasynda jazdy.
«Men eshqashan bastalmaýy tiis soǵysty muraǵa aldym. Bul – bári úshin, ásirese, bosqa qaza tapqan milliondaǵan adamdar úshin qajetsiz soǵys edi. Ýkraina basshylyǵy bizdiń qoldaýymyz úshin eshqandai alǵys bildirgen joq, al Eýropa Reseiden munai satyp alýdy jalǵastyrýda», — dep syn aitty Tramp.
Sonymen qatar, ol AQSh-tyń «Ýkrainaǵa jetkizý úshin NATO-ǵa qyrýar kólemde qarý-jaraq satýdy jalǵastyryp jatqanyn» atap ótti.
