اقش پرەزيدەنتى دونالد ترامپ ۋكراينا بيلىگى ۆاشينگتون كورسەتىپ وتىرعان قولداۋعا العىس بىلدىرمەگەنىن ايتىپ ايىپتادى، سونداي-اق، ەۋروپا ەلدەرىن رەسەي مۇنايىن توقتاۋسىز ساتىپ الىپ وتىرعانى ءۇشىن سىنادى، دەپ حابارلايدى Dalanews.kz
بۇل تۋرالى ترامپ 23 قاراشا، جەكسەنبى كۇنى Truth Social الەۋمەتتىك جەلىسىندەگى پاراقشاسىندا جازدى.
«مەن ەشقاشان باستالماۋى ءتيىس سوعىستى مۇراعا الدىم. بۇل – ءبارى ءۇشىن، اسىرەسە، بوسقا قازا تاپقان ميلليونداعان ادامدار ءۇشىن قاجەتسىز سوعىس ەدى. ۋكراينا باسشىلىعى ءبىزدىڭ قولداۋىمىز ءۇشىن ەشقانداي العىس بىلدىرگەن جوق، ال ەۋروپا رەسەيدەن مۇناي ساتىپ الۋدى جالعاستىرۋدا»، — دەپ سىن ايتتى ترامپ.
سونىمەن قاتار، ول اقش-تىڭ «ۋكرايناعا جەتكىزۋ ءۇشىن ناتو-عا قىرۋار كولەمدە قارۋ-جاراق ساتۋدى جالعاستىرىپ جاتقانىن» اتاپ ءوتتى.
