Saiasattanýshy Dosym Sátpaev AQSh pen Ýkraina kóshbasshylarynyń Aq úidegi sońǵy kezdesýin taldady, dep habarlaidy Dalanews.kz.
Dosym Sátpaevtyń pikirinshe, kez kelgen mańyzdy saiasi oqiǵany taldaǵanda ony uzaq merzimdi perspektivada – 30-50 jyl aiasynda baǵalaý qajet. Sondyqtan, saiasattanýshynyń oiynsha, bul jaǵdaida jeńilgen tarap Donald Tramp bolmaq.
«Eger Ýkraina AQSh-tyń qoldaýynsyz da uzaq ýaqyt boiy agressiiaǵa toitarys bere alsa, Tramp tarihta qarapaiym nárseni túsinbegen aqymaq retinde qalady. Keibir sarapshylar atap ótkendei, sharttardy tek berilýge daiyn tarapqa ǵana qoiýǵa bolady. Al Ýkraina mundai qadamǵa barmaq emes. Bul – AQSh kómeginsiz “Taliban” qozǵalysynan qashqan Aýǵanstannyń burynǵy prezidenti Ashraf Ǵani emes.
Tipti eń qolaisyz jaǵdaida Ýkraina qazirgige qaraǵanda qiyn ahýalǵa tap bolǵan kúnniń ózinde, Tramp báribir tarihta aqymaq saiasatker retinde qalmaq. Bul Ulybritaniianyń burynǵy premer-ministri Nevill Chemberlenniń taǵdyryna uqsas bolar edi. Ol HH ǵasyrdyń 30-jyldary Miýnhen kelisimine qatysyp, Germaniiaǵa Chehoslovakiianyń Sýdet oblysyn “berý” arqyly soǵystyń aldyn alǵysy keldi. Biraq bul qate sheshim ekenin tarih kórsetti.
Aqyr sońynda, bir aforizmde aitylǵandai: “Bireý tarihqa kiredi, al bireý oǵan bylǵanady!”. Cherchill tarihqa endi. Chemberlen bylǵandy. Biri óz eli men ádildik úshin kúresti, ekinshisi saiasi upai jinap, ótirikpen mámile jasaýǵa tyrysty», – dep jazdy Dosym Sátpaev Facebook-te.
