ساياساتتانۋشى دوسىم سەتپاەۆ اقش پەن ۋكراينا كٶشباسشىلارىنىڭ اق ٷيدەگٸ سوڭعى كەزدەسۋٸن تالدادى, دەپ حابارلايدى Dalanews.kz.
دوسىم سەتپاەۆتىڭ پٸكٸرٸنشە, كەز كەلگەن ماڭىزدى ساياسي وقيعانى تالداعاندا ونى ۇزاق مەرزٸمدٸ پەرسپەكتيۆادا – 30-50 جىل اياسىندا باعالاۋ قاجەت. سوندىقتان, ساياساتتانۋشىنىڭ ويىنشا, بۇل جاعدايدا جەڭٸلگەن تاراپ دونالد ترامپ بولماق.
«ەگەر ۋكراينا اقش-تىڭ قولداۋىنسىز دا ۇزاق ۋاقىت بويى اگرەسسيياعا تويتارىس بەرە السا, ترامپ تاريحتا قاراپايىم نەرسەنٸ تٷسٸنبەگەن اقىماق رەتٸندە قالادى. كەيبٸر ساراپشىلار اتاپ ٶتكەندەي, شارتتاردى تەك بەرٸلۋگە دايىن تاراپقا عانا قويۋعا بولادى. ال ۋكراينا مۇنداي قادامعا بارماق ەمەس. بۇل – اقش كٶمەگٸنسٸز “تاليبان” قوزعالىسىنان قاشقان اۋعانستاننىڭ بۇرىنعى پرەزيدەنتٸ اشراف عاني ەمەس.
تٸپتٸ ەڭ قولايسىز جاعدايدا ۋكراينا قازٸرگٸگە قاراعاندا قيىن احۋالعا تاپ بولعان كٷننٸڭ ٶزٸندە, ترامپ بەرٸبٸر تاريحتا اقىماق ساياساتكەر رەتٸندە قالماق. بۇل ۇلىبريتانييانىڭ بۇرىنعى پرەمەر-مينيسترٸ نەۆيلل چەمبەرلەننٸڭ تاعدىرىنا ۇقساس بولار ەدٸ. ول حح عاسىردىڭ 30-جىلدارى ميۋنحەن كەلٸسٸمٸنە قاتىسىپ, گەرمانيياعا چەحوسلوۆاكييانىڭ سۋدەت وبلىسىن “بەرۋ” ارقىلى سوعىستىڭ الدىن العىسى كەلدٸ. بٸراق بۇل قاتە شەشٸم ەكەنٸن تاريح كٶرسەتتٸ.
اقىر سوڭىندا, بٸر افوريزمدە ايتىلعانداي: “بٸرەۋ تاريحقا كٸرەدٸ, ال بٸرەۋ وعان بىلعانادى!”. چەرچيلل تاريحقا ەندٸ. چەمبەرلەن بىلعاندى. بٸرٸ ٶز ەلٸ مەن ەدٸلدٸك ٷشٸن كٷرەستٸ, ەكٸنشٸسٸ ساياسي ۇپاي جيناپ, ٶتٸرٸكپەن مەمٸلە جاساۋعا تىرىستى», – دەپ جازدى دوسىم سەتپاەۆ Facebook-تە.
