Donald Tramp 8 tamyzǵa deiin Resei ózderine qoiylǵan ýltimatýmdy oryndap, Ýkrainamen bir bitimge kelmese, onda Vashington Máskeýge qarsy sanktsiialardy kúsheitetinin málimdedi, dep habarlaidy Dalanews.kz.
Aita ketsek, Pýtin buǵan deiin Donald Tramptyń Reseige qarsy ýltimatýmyna qatysty jaq ashyp, resmi pikir bildirgen emes. Tek Kreml "Tramptyń aitqany nazarǵa alyndy" dep qysqa qaiyrǵan. Degenmen ótken beisenbide Pýtin Lýkashenkomen bolǵan beiresmi kezdesýi kezinde "Tramptyń ózinen kóńili qalǵany týraly" sózge bailanysty bylai dep qaldy:
"Kimniń tarapynan bolsyn, qandai da bir kóńildiń qalýy — shamadan tys úmitten týyndaidy, bul jalpyǵa birdei qaǵidat".
Eger Ýkrainada bitimgershilik 8 tamyzǵa deiin, iaǵni on kúndik ýltimatým aiaqtalǵan kezde oryndalmasa, AQSh Reseige qarsy jańa sanktsiialar engizedi. Bul týraly AQSh prezidenti Donald Tramp jýrnalister aldynda málimdedi.
"Sanktsiialar bolady, biraq Resei olardan sátti jaltaryp baǵýda siiaqty. Bilesiz be, olar óte qý, sanktsiialardan jaqsy ainalyp ketedi, sondyqtan bul jolǵynyń da nátijesine qaraiyq, ne bolatynyn kóremiz", — dedi respýblikashyl.
"AQSh prezidenti Ýkrainada bitimgershilik kelisimine qol jetkizilmese, 8 tamyzda ne bolady" degen suraqqa osylai jaýap berdi.
Buǵan deiin saitymyzda "Tizimde Qazaqstan da bar". Tramp 7 tamyzda kúshine enetin tarifke qatysty jańa jarlyqqa qol qoidy" degen maqala jariialanǵan bolatyn.
