AQSh prezidenti Donald Tramp 7 shildede Qazaqstan Prezidenti Qasym-Jomart Toqaevqa arnaiy hat joldap, 2025 jylǵy 1 tamyzdan bastap Qazaqstannan keletin barlyq ónimge 25 paiyz kóleminde baj salyǵy salynatynyn málimdedi, – dep habarlaidy Dalanews.kz.
Aq úi basshysy óz málimdemesin Truth Social áleýmettik jelisindegi paraqshasynda jariialaǵan.
"2025 jylǵy 1 tamyzdan bastap Qazaqstannan AQSh-qa jóneltiletin kez kelgen ónimge sektorlyq bajdardan tys 25 paiyz salyq salynady", – delingen Tramptyń jariialaǵan hatynda.
Tramp buǵan deiin taraptardyń bul máseleni talqylaýǵa múmkindigi bolǵanyn atap ótti, alaida qazirgi tańda Vashington úshin basty basymdyq uzaq merzimdi ekonomikalyq tapshylyqpen kúresý ekenin de jetkizdi. Ol jańa baj salyǵy AQSh-ta jumys isteitin kompaniialarǵa áser etpeitinin de naqtylady.
"Eger siz de qarsy shara retinde óz tarapyńyzdan baj engizýdi qalasańyz, qandai mólsherde engizseńiz de, bul salyq bizdiń 25 paiyzymyzǵa qosylady. Mundai tarifter saýdadaǵy ádiletsizdikterdi túzetý úshin qajet. Saýda teńgerimsizdigi AQSh ekonomikasy men ulttyq qaýipsizdigine eleýli qaýip tóndiredi", – dep jazdy Tramp óz hatynda.
Aita keteiik, bul joly AQSh prezidenti osyndai mazmundaǵy hattardy 10-nan asa eldiń basshylaryna joldaǵan. 1 tamyzdan bastap Japoniia, Ońtústik Koreia, Malaiziia jáne Týnis elderinen keletin ónimderge de 25 paiyzdyq tarif qoldanyla bastaidy. Al Ońtústik Afrika, Bosniia jáne Gertsegovina úshin baj mólsheri 30 paiyz, Serbiia men Bangladesh úshin 35 paiyz, Indoneziia úshin 32 paiyz, Laos pen Mianma úshin 40 paiyz deńgeiinde belgilenedi.
