اقش پرەزيدەنتٸ دونالد ترامپ 7 شٸلدەدە قازاقستان پرەزيدەنتٸ قاسىم-جومارت توقاەۆقا ارنايى حات جولداپ, 2025 جىلعى 1 تامىزدان باستاپ قازاقستاننان كەلەتٸن بارلىق ٶنٸمگە 25 پايىز كٶلەمٸندە باج سالىعى سالىناتىنىن مەلٸمدەدٸ, – دەپ حابارلايدى Dalanews.kz.
اق ٷي باسشىسى ٶز مەلٸمدەمەسٸن Truth Social ەلەۋمەتتٸك جەلٸسٸندەگٸ پاراقشاسىندا جارييالاعان.
"2025 جىلعى 1 تامىزدان باستاپ قازاقستاننان اقش-قا جٶنەلتٸلەتٸن كەز كەلگەن ٶنٸمگە سەكتورلىق باجداردان تىس 25 پايىز سالىق سالىنادى", – دەلٸنگەن ترامپتىڭ جارييالاعان حاتىندا.
ترامپ بۇعان دەيٸن تاراپتاردىڭ بۇل مەسەلەنٸ تالقىلاۋعا مٷمكٸندٸگٸ بولعانىن اتاپ ٶتتٸ, الايدا قازٸرگٸ تاڭدا ۆاشينگتون ٷشٸن باستى باسىمدىق ۇزاق مەرزٸمدٸ ەكونوميكالىق تاپشىلىقپەن كٷرەسۋ ەكەنٸن دە جەتكٸزدٸ. ول جاڭا باج سالىعى اقش-تا جۇمىس ٸستەيتٸن كومپانييالارعا ەسەر ەتپەيتٸنٸن دە ناقتىلادى.
"ەگەر سٸز دە قارسى شارا رەتٸندە ٶز تاراپىڭىزدان باج ەنگٸزۋدٸ قالاساڭىز, قانداي مٶلشەردە ەنگٸزسەڭٸز دە, بۇل سالىق بٸزدٸڭ 25 پايىزىمىزعا قوسىلادى. مۇنداي تاريفتەر ساۋداداعى ەدٸلەتسٸزدٸكتەردٸ تٷزەتۋ ٷشٸن قاجەت. ساۋدا تەڭگەرٸمسٸزدٸگٸ اقش ەكونوميكاسى مەن ۇلتتىق قاۋٸپسٸزدٸگٸنە ەلەۋلٸ قاۋٸپ تٶندٸرەدٸ", – دەپ جازدى ترامپ ٶز حاتىندا.
ايتا كەتەيٸك, بۇل جولى اقش پرەزيدەنتٸ وسىنداي مازمۇنداعى حاتتاردى 10-نان اسا ەلدٸڭ باسشىلارىنا جولداعان. 1 تامىزدان باستاپ جاپونييا, وڭتٷستٸك كورەيا, مالايزييا جەنە تۋنيس ەلدەرٸنەن كەلەتٸن ٶنٸمدەرگە دە 25 پايىزدىق تاريف قولدانىلا باستايدى. ال وڭتٷستٸك افريكا, بوسنييا جەنە گەرتسەگوۆينا ٷشٸن باج مٶلشەرٸ 30 پايىز, سەربييا مەن بانگلادەش ٷشٸن 35 پايىز, يندونەزييا ٷشٸن 32 پايىز, لاوس پەن ميانما ٷشٸن 40 پايىز دەڭگەيٸندە بەلگٸلەنەدٸ.
