Qarjyger-maman Rasýl Rysmambetov "Qazaqmys" pen "Qazmyryshtyń" satylyp ketý qaýpi baryn aityp, dabyl qaqty. Sondyqtan ol bul rette shuǵyl túrde strategiialyq aktivter agenttigin qurýdy usynady, dep jazady Dalanews.kz.
"TramPýtinKazahRedkozem" dep bastalatyn sarapshy jazbasyn sol kúiinde aýdaryp berýdi jón kórip otyrmyz...
"Qazir Qazaqstan úshin qyzyq bastalaiyn dep tur.
Aldymen Tramp Ýkrainadaǵy sirek kezdesetin materialdardyń 50%-yn satyp alý týraly kelisimdi alǵa tartty. Odan keiin taǵy bir jinalysta Tramp Reseidiń sirek kezdesetin resýrstary týraly sóz qozǵaidy. Sol-aq eken Resei julyp alyp, demde keńes ótkizedi. Ol arada Resei prezidenti AQSh-pen birge reseilik sirek kezdesetin metaldary igerýge daiyn ekenin málimdeidi. Aita keteiin, negizi, Qazaqstanda ondaǵan iri reseilik jer qoinaýyn paidalanýshylar jumys istep jatyr.
Budan, óz basym, mynandai eki qorytyndy shyǵaramyn:
- Shuǵyl túrde strategiialyq aktivter agenttigin qurý kerek nemese UQK+ Strategiialyq josparlaý jáne reformalaý agenttigi men Qarjy ministrligine (QMIP) strategiialyq aktivterdi qatań qadaǵalaýdy júkteý qajet. Qaýipsizdik Keńesi jáne / nemese Parlament arqyly osyndai aktivterdi satýdy maquldatý sharasyn bekitý kerek.
- Sheteldikter, onda da orystar "Qazaqmys" pen "Qazmyryshty" satyp alýǵa tyrysýy múmkin. Óitkeni Resei Federatsiiasyna qazir menshik deńgeiin jáne kimmen kelissózder júrgizý kerektigin kórsetý úshin baqylanatyn naryq kólemin ulǵaitý óte mańyzdy. Bul arada myna jaqtan qytailyq kompaniialar da shyǵyp, Resei Federatsiiasymen básekelesýge tyrysýy múmkin. AQSh-tyń ózi munda kelip jatpaidy, olar úshin sirek kezdesetin metaldardy taýyp, aparyp beretin orystar men qytailar bar".
Buǵan deiin saitymyzda "Úshinshi dúniejúzilik soǵystyń ulasýyna jol bermeimin". Tramp jaqynda Zelenskiimen kezdesýi múmkin" atty material jariialanǵan.
