Prezident Djo Baiden Aq úide jańadan sailanǵan prezident Donald Trampty qabyldady. Olar ne týraly sóileskeni belgili boldy,- dep habarlaidy Dalanews.kz.
"Azattyq" New York Post basylymynyń derekterin keltirdi. Málimetke súiensek, AQSh-tyń jańadan sailanǵan prezidenti Donald Tramp qazirgi prezident Djo Baidenmen kezdesý kezinde Ýkrainadaǵy soǵys jáne Taiaý Shyǵystaǵy ahýaldy talqylaǵan.
"Biz Taiaý Shyǵys týraly da kóp sóilestik. Men onyń ne oilaitynyn bilgim keldi. Jaýabyn da estidim. Ol óte meiirimdi boldy" dep telefon arqyly Tramptan suhbat alyp, onyń sózinen úzindi keltirdi New York Post basylymy", - dep jazylǵan málimette.
Tramptyń sózinshe, olar bir-birimen qýana kórisken jáne 20 qańtar kúngi inaýgýratsiia qarsańynda taǵy bir ret kezdespek. Baiden Trampty jeńisimen quttyqtap, qańtarda biliktiń «birqalypty aýysýyn» kútetinin jetkizdi.
"Tramp pen Baidenniń kezdesýi qarsańynda AQSh prezidentiniń ulttyq qaýipsizdik jónindegi keńesshisi Djeik Sallivan Baidenniń budan ári qarai da Ýkrainany qoldaýǵa shaqyra beretinin aitty. Sebebi Kievti qoldaýsyz tastap ketý Eýropadaǵy turasyzdyqty arttyrýmen para-par.
Tramp sailaýaldy kampaniiasy kezinde Ýkrainadaǵy soǵysty tezirek aiaqtaýǵa ýáde bergen. Degenmen túrli aqparat quraldaryndaǵy derekkózderdiń habarlaýynsha, Trampta bul boiynsha naqty jospar joq. Ol eki jaq birine jeńildik jasaidy dep úmittenetin tárizdi", - dep jazdy "Azattyq".
Aita keteiik, buǵan deiin L.N. Gýmilev atyndaǵy Eýraziia ulttyq ýniversiteti Saiasattaný kafedrasynyń meńgerýshisi m.a. Janat Momynqulov Dalanews.kz-ke suhbat berip, AQSh-taǵy sailaý nátijeleri týraly boljam jasady.
"Tramp álemdik saiasatta oiyp turyp oryn alady. Onyń ústine qazirgidei daǵdarys, soǵys jaǵdaiynda onyń is-qimyly - bári óte mańyzdy. Biraq Harris qalǵan jaǵdaida Amerikanyń osy saiasaty jalǵasa beredi. Qytaiǵa, Reseige, Iranǵa qatysty shekteý, tejeý saiasaty júredi.
Meniń oiymsha, Harristiń jeńisine qýanamyz. Al Tramp keletin bolsa, Reseimen qarym-qatynasyndaǵy ózgerister Ortalyq Aziiaǵa, bizge salqyn áser etedi. Bári ainalyp kelgende halyqaralyq júiege áser etedi. Biz boljap bolmaityn oqiǵalar bastalyp ketýi múmkin. Harris Ortalyq Aziiaǵa jańa bir kózqaras tanytýy múmkin, ol - Aq úidiń mańyndaǵy biýrokrattardyń ókili, turaqtylyqtyń "garantiiasy". Al Tramp kelse, Ýkrainadaǵy jaǵdai uzaqqa sozylatyn daýǵa ainalýy múmkin. Sondyqtan, meniń oiymsha, Harristiń kelgeni Qazaqstanǵa tiimdi. Ortalyq Aziiaǵa tikelei áseri bolmasa da, sheshimderi arqyly ainalyp kelgende áseri bolady", - dedi ol.
