Dalanews avtordyń Abai.kz-te jariialanǵan maqalasynan az-kem úzindi usynady.
"Iá, olar taza parazitter. Sondyqtan, men qoǵamdy osyndai parazitterden tazartý úshin toihanalarda toi jasaýǵa 5 jylǵa deiin moratorii jariialaýdy usynar edim. Qazaq qoǵamyndaǵy qordalanǵan problemalardyń bastaýy osy toi sindromynan bastalady.
Toihanalardyń qabyrǵasynda árbir qazaqtyń kóz jasy bar. Eńbegi qanalǵan stýdenttiń, toidan keiin ókingen ata-ananyń. Toidyń kreditinen taýy shaǵylǵan jas otbasynyń.", – deidi avtor.
Onyń pikirinshe toi aldymen psihologiialyq faktor.
"Bul máselege qatysty jastardyń da pikirin bilgenmin. Kópshiligi toiǵa qarsy. Toisyz-aq neke qiyp baqytty bolýǵa bolady dep esepteidi. Alaida ata-analarynan asyp kete almaidy.
Osyǵan qarap-aq toi úlkender úshin psihologiialyq qajettilik dep aitýǵa bolady. Osy bir psihologiialyq faktordan birte-birte arylýymyz kerek.
Karantin kezinde 3 ai toi toilamai otyrdyq emes pe? Ne ózgerdi? Toiǵa jumysaityn aqshalarymyz qaltalarymyzda qaldy.
Álemdik pandemeia adamdardy kóp nárselerge basqasha qaraýǵa májbúrlep jatyr. Men muny toidan bas tartýǵa tamasha múmkindik der edim.
Osy karantin rejimin paidalanyp toidy retteitin arnaiy zań qabyldap alýymyz kerek.
Onda úilený jáne uzatylý toilaryn 50 adammen shekteitin, basqa toilarǵa tyiym salatyn bolýy kerek. Oǵan qosa toilardaǵy mýzykanyń dybys deńgeiin, daiarshylardyń laiyqtalǵan ailyqtaryn, t.b. retteitin baptar bolýy kerek.
Oǵan qosa asabalar men toida óner kórsetetin ártisterdiń tabysynyń 50 paiyzyn salyqqa alý kerek. Sonda ǵana naǵyz sapaly óner maitalmandary iriktelip shyǵady.
Naǵyz óner ieleri ǵana halyqtyń qurmetine laiyq. Ondailar halyqtyń qaltasyn tonap, lotoreialar uiymdastyryp, parazittik tirlikpen ainalyspaityn bolady.
