Aq úige qaityp oralǵan Donald Tramp sońǵy kúnderi Resei basshysy Vladimir Pýtinmen kezdesýge qatysty túrli pikir bildirip, Ýkrainadaǵy ahýaldy retteýdiń joldaryn usynýda, dep jazady Dalanews.kz.
Talqydan Vladimir Pýtin de tys qalmai, Ámirika prezidentiniń pikirin tuzdyqtai tústi. Kreml taratqan resmi málimdemede Resei prezidenti AQSh ákimshiligimen eshqashan bailanystan bas tartpaǵanyn atap ótken.
Pýtin Tramppen aradaǵy qarym-qatynasy kásibi, pragmatikalyq ári ózara senimge negizdelgenin aitady.
"Men onymen ishinara kelisemin. Eger Tramp 2020 jyly jeńisin "urlatyp" almaǵanda 2022 jyly Ýkrainada bastalǵan daǵdarys bolmaýy da múmkin edi. Degenmen Tramp óziniń birinshi prezidenttik merziminde Reseige qarsy edáýir qatań shekteýler men sanktsiialar engizgenin qaperden shyǵarmaýymyz kerek. Bul sheshim tek Reseidiń ǵana emes, AQSh-tyń múddesine de qaishy keldi dep oilaimyn", - dedi Kreml basshysy.
Sózin qorytyndylai kele, Vladimir Pýtin eki prezidentke qazirgi halyqaralyq jaǵdaidy eskere otyryp, kezdesý ótkizgen durys ekenin aitty. Onyń pikirinshe, AQSh pen Resei arasyndaǵy qarym-qatynastyń turaqtanýyna ásirese, munai baǵasyn retteý siiaqty máseleler mańyzdy yqpal etedi.
Sol kúni Soltústik Karolinada jýrnalister aldyna shyqqan Donald Tramp kezekti OPEK-ti munai baǵasyn tómendetýge shaqyrdy. BBC-diń habarlaýynsha, AQSh prezidenti munai naryǵyndaǵy joǵary baǵa Ýkrainadaǵy qaqtyǵystyń tezdetip aiaqtalýyna kedergi jasap otyr dep sanaidy.
"Biz OPEK-ke munai baǵasyn arzandatý qajet ekenin kezekti ret eskertemiz. Sonda Ýkrainadaǵy tragediiany toqtatýǵa jol ashylady. Bul soǵys – eki tarapty da ábden qaljyratty. Bir millionnan astam er-azamat qaza tapty, apta saiyn myńdaǵan adam sheiit bolyp jatyr... Munai baǵasy sharyqtap turǵan shaqta bul soǵys ońaishylyqpen aiaqtalmaidy", – dedi Tramp.
Buǵan deiin saitymyzda "Munai baǵasyn túsirý, Pýtinmen kezdesý, Qytaidy qolqalaý: Tramp Davos forýmynda ne aitty" degen maqala jariialanǵan bolatyn.
